ملتقى السحمان من حرب - مافي مخلوق على الود مغصوب

ابيات قديمه وجدتها عندي ولعلم سبقا نزلتها فالموقع ام لا ...

مافي مخلوق (ن) على الود مغصوب
الحب وهبه من جزيل الوهايب

ياصاحبي ما ارسلت لي منك مندوب
قلبي خضع من ناعسات الذوايب

والقلب مايخضع ورى كل رعبوب
لكن انت تليته على غير طايب

خليت قلبي يرتجف تقل مرعوب
مشبوك في ودك بحبل النشايب

واصبحت من كل التقاليد مسلوب
امشي ورى ودك على غير صايب

كني غريم ومن هل الدم مطلوب
وانا سليم ولا عليا نوايب

او تقل مملوك (ن) على السوق مجلوب
مجلوب من ضمن الدبش والجلايب

عزي لمن مثلي من الود مصيوب
كني ذبيح بمدركات الصوايب

ناهض مثيب السحيمي