ملتقى السحمان من حرب

ملتقى السحمان من حرب (www.alsuhman.net/vb/index.php)
-   ركن الشعر العام (www.alsuhman.net/vb/forumdisplay.php?f=32)
-   -   حفل قبيلة جهينه لقبيلة حرب (www.alsuhman.net/vb/showthread.php?t=3363)

سعد المحمدي 05-01-2014 10:55 PM

حفل قبيلة جهينه لقبيلة حرب
 
[








حفل قبيلة الزوايده من جهينه
لعدد من مشائخ قبيلة حرب
وعلى راسهم الشيخ زبن بن عبدالله الجديع الحنيني
في يوم الجمعه الموافق 2/3/1435بالمدينه المنوره

سلام ياجهينه هل المذهب الزين
ياصحابنا ينسابنا يقصرانا
تسليمت الاسلام ورد ورياحين
ومغلفه بالهيل وزعفرانا
عن حرب ربعي في محل الكريمين
ابدابها لاهل الوفاء ماتوانا
يفوح منها يارجال الميامين
حب التواصل بيننا يحددانا
لو ماجهينه عندنا قوم غالين
من نجد ماسارة جهتهم اخطانا
من الدليميه ضحى اليوم ماشين
فوق الجيوب مختمات الضمانا
جينا لموعد بيننا قبل شهرين
من طيبكم ياصحابنا من وفانا
شوف الرجال مرجحين الموازين
ياسامعين القول غاية منانا
تلاحم الاخوان نابع من الدين
وعن شت شمل الناس ربي نهانا
ياهاجسي للقيل معنى وتثمين
ان قيل باللي يذبحون السمانا
بجهيبه اهل الطيب ماضي وهلحين
لابه لها هيبه وقدر ومكانا
يوم السنين الماضيه والاكاوين
والرمح والبندق وحد السنانا
قومٍ على صد الاعادي مضرين
ان صاح صياح الضحى بالبيانا
قصيرهم محشوم مايلحقه بين
ان زان ولا شان فيه الزمانا
جيره وخوهه وستقامه وافين
ارجال ماترضى الخطاء والهوانا
مع الرسول معركة بدر غازين
خير الانام اللي لدينه دعانا
قلته وحنا حرب قومٍ سخيين
نحذي مفاليس العرب من سخانا
اصحاب دنيا ودين دايم عزيزين
طالة على فعل الجمايل الحانا
وسط الحجاز ونجد عشنا سلاطين
بفعولنا ماحد بفعله حمانا
يوم المغازي بمهات النياشين
ياما ريمينا شيخ قومٍ غزانا
جانا وصار الكون بين الفريقين
على السبايا كاضمات العنانا
ومن فعلنا قفو عن الشيخ عجلين
وعليه ناحن جالايات الثمانا
حلوين في حاله وفي حال مرين
ندرج على روس الاعادي رحانا
اليا غزينا دار قومٍ معادين
عداتنا كسب الضعن من عدانا
ماقول حنا بالفعايل وحيدين
كلن ضلوعه دون حقه متانا
الناس فيها طيبين ورديين
من خلقة أدم لين يطوى سمانا
ماجيب علم بدون قيس وبراهين
الله على قول الحقايق هدانا
شاعر وجمل لابتي بالميادين
ولي بينهم قدر ومكانه وشانا
مسك الختام عبارةٍ بين قوسين
اصغو لها ياهل العقول الذهانا
ياخادم البيتين بالعسر والين
لك ياحبيب الشعب نعلن ولانا
ونكبح جماح اهل الفتن والبغيضين
مانقبل الغاوين تشقر عصانا
يازمرة الارهاب منتم خفيين
شله هواكم يختلف عن هوانا
سفك الدما يالخارجين الخبيثين
الله عنه ياهل الخبايث نهانا
الشعب واعي والقياده حريصين
على التلاحم والرخا والامانا
ومن شذ من فعله وفكره بريين
يرفع بها صوته فصيح السانا
يالله وحد صفنا قولو أمين
وغفر لنا يارب وسمح خطانا

فهد عايد بن عنيزان 06-01-2014 07:45 AM

يعيطك العافيه اخوي سعد وماهي غريبه من قبيلة عريقه بحجم جهينه

معزي فلاح واصل السحيمي 06-01-2014 04:37 PM

صح لسانك ابوتركي على هذه القصيده الجزله وقبيلة جهينه من القبائل الاصيله والنعم فيهم والعلم الغانم ليس غريب على جهينه تحياتي لك

سعد المحمدي 06-01-2014 10:17 PM

اقتباس:
المشاركة الأصلية كتبت بواسطة فهد عايد بن عنيزان http://www.alsuhman.com/vb/shman2/buttons/viewpost.gif
يعيطك العافيه اخوي سعد وماهي غريبه من قبيلة عريقه بحجم جهينه


هلا وغلا
شرفني مرورك
يابن العم

سعد المحمدي 06-01-2014 10:17 PM

اقتباس:
المشاركة الأصلية كتبت بواسطة معزي فلاح واصل السحيمي http://www.alsuhman.com/vb/shman2/buttons/viewpost.gif
صح لسانك ابوتركي على هذه القصيده الجزله وقبيلة جهينه من القبائل الاصيله والنعم فيهم والعلم الغانم ليس غريب على جهينه تحياتي لك


هلا وغلا يابن العم
شرفني مرورك

عبدالمجيد عوض السحيمي 06-01-2014 10:46 PM

صح لسانك الشاعر سعد المحمدي وبيض الله وجهك وتستاهل قبيلة جهينة تقبل مروري دمت في رعاية الله

بدر الحربي 07-01-2014 07:32 AM

صح لسانك اخوي الشاعر سعد المحمدي وبيض الله وجهك على هالقصيدة الجزلة

ضلع عوف 07-01-2014 12:23 PM

صح لسانك يابو تركي وبيض وجهك على القصيده الجزله من رجل جزل ونعم في قبيلة جهينه هل سخاء بدون قصور بالقبايل الاخرى

أبوريـــــان 11-01-2014 01:43 PM

صح لسانك أبوتركي جزل لاعدمناك ومثلك وشرواك يحرصون على التقريب بين القبائل وهذا المطلوب


الساعة الآن 11:31 PM.

Powered by vBulletin® Copyright ©2000 - 2011, Jelsoft Enterprises Ltd.
new notificatio by 9adq_ala7sas
HêĽм √ 3.2 OPS BY: ! ωαнαм ! © 2011-2012

Security team