ملتقى السحمان من حرب

ملتقى السحمان من حرب (www.alsuhman.net/vb/index.php)
-   ركن الشعر المنقول (www.alsuhman.net/vb/forumdisplay.php?f=79)
-   -   سحمان دون البل يبيعون الاعمار للشاعر ذعار العوفي (www.alsuhman.net/vb/showthread.php?t=3338)

الـسحيمي 30-12-2013 02:19 AM

سحمان دون البل يبيعون الاعمار للشاعر ذعار العوفي
 
قصيده للشاعر ذعار علي العوفي في حفل سالم بن سويرح السحيمي

سـلام تـسليم(ن) مثل وبل الامطار
وألـذ و احلا من حقـوق المخـيله

من شاعر(ن) يكتب جزيلات الاشعار
ويـنـقًـح المضمون عن كل iiميله

لا دق هـاجـوسه من الشعر يختار
كـنـه شـريـكن له بدم الفصـيله

وسـلام يـا الـسحمان شبابة النار
يـاهـل الشجاعه والشبور الطويله

ومـبروك ماسويت يا واف الاشبار
يـاسـالـم سـويرح زبون iiالشكيله

جـيـنـا نـبارك لك معزه ومقدار
حـسـب السلوم الماضيه والاصيله

والـلـي مثل شرواك ماعنه iiمعذار
يـلـزم عـلـينا من وفاه انعني له

لـو كـان مـن دونه جراهيد وديار
زايـد غـلاه الـيـا دعـانا نجيله

مـا نـقول من دونه مسافه iiومشوار
نـجـيـه لـو ان الـمسافه طويله

يـالصيرمي في وصفك الشعر يحتار
قـرم(ن) شـجيع وتفعل iiالمستحيله

اتـجـيبـها بالطيب من فعلك القار
والـطـيب كنك يا ابو مشعل وكيله

لا عـد سـالـم بين صافين iiالافكار
كـلـمـة نعم بالمرجله من حصيله

مـن ساس ربع(ن) باللقاء دمهم حار
ألـيـا قـدح بـالـزند راس الفتيله

سـحـمان دون البل يبيعون الاعمار
والـلـي يجي في نحورهم عزتي له


يـثـنـون في ملح المشوك اليا iiثار
ويـثنون في حدب السيوف الصقيله

حـريـبـهـم يـسقط ويندم وينهار
مـاعـاد يـاجـد فـي حياته عقيله

انـتـم هـل النخوه اليا بار من بار
واهـل الوفا والطيب واهل الجميله


سـحـمـان لا عدو شغاميم واخيار
الاولـه مـن حـظـهـم والجزيله

بـنـو لـهم في صفحة المجد تذكار
وتـاريـخـهـم شرف جميع القبيله

ومـا نذم باق الناس واحظوظنا كبار
وكـلـن عـلى ما قيل واضح iiدليله

وكـلـن عـلـى قدره يقدر بمقدار
والـهـرج يـكـفي عن كثيره قليله

قـلته وانا من عوف شجعان واحرار
اهـل الـنـقـا دون الـثبار الثقيله





عبدالرحمن وصيل السحيمي 30-12-2013 12:31 PM

كلمات متناغمة حقيقه ابداع واصل طرحك للمواضيع الجميله ...

أبوريـــــان 31-12-2013 04:16 PM

صح لسان الشاعر ذعار العوفي وبيّض الله وجه رفيقنا وأخونا سالم سويرح على العلم الغانم ويستاهله

شكرا أخونا السحيمي على النقل وننتظر المزيد المفيد

منصور السحيمي 01-01-2014 01:06 AM

صح لسسان الشاعر ..

وسبعة انعام بأبن سويرح ..

معزي فلاح واصل السحيمي 01-01-2014 11:21 PM

صح لسان الشاعر ذعار العوفي ورفيقنا ابوسلطان كفو لما قيل فيه فهو من كسابت النوماس

ضلع عوف 02-01-2014 05:23 PM

صح لسان الشاعر ذعار العوفي وسلمت على النقل ياسحيمي والف مبروك سالم سويرح


الساعة الآن 08:38 PM.

Powered by vBulletin® Copyright ©2000 - 2011, Jelsoft Enterprises Ltd.
new notificatio by 9adq_ala7sas
HêĽм √ 3.2 OPS BY: ! ωαнαм ! © 2011-2012

Security team