ملتقى السحمان من حرب - الشاعر حمدي الرثيع السحيمي فاز بجائزه جزل الكلام اين هــو ؟؟

حيا الله الغالي منصور السحيمي وتفضّل طال عمرك

الشاعر حمدي الرثيع خليوي السحيمي

من فخذ الرواتعه من السحمان ومن مواليد 1391هـــ

موظف في خدمة التنميه الإجتماعيه وله العديد من المشاركات بالساحه الشعريه

شارك في مسابقه مكافحة الإرهاب برعاية الأمير خالد الفيصل عام 1422هــ

شارك في مسابقة شاعر الرسول عليه الصلاة والسلام

شارك في مسابقة شعراء المدينه لفن الكسره

شارك في مسابقة جزل الكلام على قناة بدايه وفاز بالمركز الأول لمجاراته الشاعر الكبير أحمد الناصر

له العديد من الشيلات على قناة الأماكن الفضائيه واليوتيوب

تعاون مع عدد من المنشدين مثل مخلد السحيمي , طالب الجابري , عبيد الحربي , ماهر الجهني , بدر العريمه

وهو من أوائل الشعراء اللذين طرقوا باب الإنشاد

تم تكريمه مؤخرا من الأستاذ والعضو بالموقع الأخ الكريم سعدي سعد السحيمي بمناسبة زواج عبدالله سعدي بالرياض

يكتب بإسم حمدي الرثيع وبإسم حمدي السحيمي وهو شاعر لايعشق الظهور الإعلامي

له ملاحظات على ديوانية الشعراء كما غيره من شعراء القبيله ونقول للجميع هذه البدايات دائما وبيّض الله وجه مشرف الديوانيه وصاحب فكرتها اعداد ماله عندنا من الغلا والإحترام واعداد ماتعب لأجل ربعه وإخوانه والله يجعلها بميزان حسناته

وهذه القصيده من جديد الشاعر حمدي الرثيع اللذي نتشرف بتواجده معنا بالموقع والديوانيه

كنت أحسبنك فالزمن ضلعن منيف	واثر اجبله ماهي بقد اخيالها
خابت ظنوني فيك يالجنب الصخيف	من يوم شفت إدليّكم وحبالها
قامت تحاذف من ضعيف اليا ضعيف	الله يقطعها ويقطع فالها
روّح بعيد ولاتضاف ولاتضيف	والخلق ماتجزى بغير أعمالها
والله مالك لاحليّ ولاوصيف	ألا عيون الخاينه وافعالها
لاشفتني خلّك على حيد الرصيف	واللي يورّد حملته يشتالها
أصد عن شرواك يالعقل الخفيف	واشوم عن بعض العرب وأقوالها
وانت تعرفني سيف ماني بأي سيف	لاكبرت الحمله حضر جمّالها
والله لولا العرق والدم النظيف	والشجره اللي جيت سد اظلالها
لخليّ الدنيا على راسك خريف	وافل خزنتكم واطش اقفالها
ماكل من سميّ شريف أصبح شريف	والكلمه الحسنه بعشر أمثالها
والحرّ حرّ الجوف ماهو حرّ صيف	والخلق شرهتها على عقّالها
ان كان ماصفّ القوي جنب الضعيف	القوم لايمكن تزين أحوالها
والطير لايحلم بساعات الرفيف	ألا بجنحان السعد وآآآمالها
والنيّه اللي كنّها الحد الرهيف	الله يكشفها ويكشف حالها

وللجمــــــــــــــــــــــــــــــــيع خالص الشكر والتقدير