الجهات الاربعه
 

مابين شرق وغرب وشمال وجنوب	كل الجهات الاربعه ماحتوتني
اعدله من صوب ويميل من صوب	والحمل كله شايله فوق متني
انا ادري ان الادمي كله عيوب	لكن دروس الوقت ماعلمتني
ولا اني بقايل كل ممنوع مرغوب	وجهة نظر صدقتها واتعبتني
احيان اقول اني على الوضع مغصوب	واطوفها رغم انها جارحتني
واحيان اشك اقول ماعندي اسلوب	والناس من زود الغلا جاملتني
واحيان اقول الحظ مايل ومنكوب	ونظرت وليا طيبتي ناكبتني
والحظ يوعدني مواعيد عرقوب	وكثر الوعود الزائفه وهقتني
وان جيت ادورلي مجانيب ودروب	اقدام رجلي للورا رجعتني
بهرب ولكن مامن الواقع هروب	بعض الامور معقده عقدتني
وهروج من لا سد في ساعة النوب	لازودت فيني ولا نقصتني

صح لسانك اخوي الواثق

من اعماق قلبي اشكر كل من شرفني بمروره الكريم والابداع الحقيقي تصفحكم الكريم

ولو غبتم عن الانظار ماغبتم عن القلوب ..
وشكري الخاص لمن قام بتنسيق القصيده
ودمتم بخير وعافيه ..اخوكم الواثق

من طول الغيبات جاب الغنايم هلا والله فيك وهلا برجعتك
ننتظر المزيد من روائعك صح لسانك وبارك الله فيك