ملتقى السحمان من حرب - شد حيلك يااحمد معوض ولم الشعار

صفحة 1 من 2

ملتقى السحمان من حرب (www.alsuhman.net/vb/index.php)

- ركن شعراء المحاورة (www.alsuhman.net/vb/forumdisplay.php?f=33)

- - شد حيلك يااحمد معوض ولم الشعار (www.alsuhman.net/vb/showthread.php?t=3269)

عبداللطيف عوض السحيمي

10-12-2013 07:56 PM

شد حيلك يااحمد معوض ولم الشعار

بسم الله الرحمن الرحيم

ملتقانا غالي علينا واخوي احمد معوض فك باب ولازم يصكه ههههههههه وحنا جاهزين يابو معوض ولم الشعار

سلام تسليمة صداها ينعش القلب الفطين
	تسليمة الاسلام واجب من سمعها ردها
يااحمد معوض ولم الشعار والراي الثمين
	الخرمه الي في ذرانا نجتمع وانسدها

عبداللطيف عوض السحيمي

10-12-2013 09:59 PM

الليل يالشعار هل من شاعر تكفى يابو فلاح تكفى يابو ريان ابو معوض معزبته عيت عليه ههههه

معزي فلاح واصل السحيمي

10-12-2013 10:38 PM

وصلت يابو كادي ولايهون بو معوض وباقي الاعضاء

يامرحبا يامرحبا عداد همال الغشين
	يمناي ممدوده لمن يمناه ليه مدها
العب ياأبو كادي نبى نطرب عقول السامعين
	أرقى معي راس الطويله لاتجي في سدها

عبداللطيف عوض السحيمي

10-12-2013 11:03 PM

دام البقا ياللي ترحب كل يوم وكل حين
	الطيبة نفرح بها والطايشات نردها
انا معك يابوفلاح ومعكم القاسي يلين
	والنايفة ما احيد عنها والمحازم شدها

معزي فلاح واصل السحيمي

10-12-2013 11:22 PM

أسر وتحزم وأحذر الاخطار والخافي يبين
	والجابه المستعجله وسط الضماير هدها
ياحبني ياأصحابنا للعارفين الغانمين
	اهل الفعول الطيبات اللي بقلبي ودها

عبداللطيف عوض السحيمي

10-12-2013 11:37 PM

أمشي معك قدام ماعندي يسار ولايمين
	ياشايب الرحمن جابتنا توصل سدها
أنته معاصر والتجارب درس مع طول السنين
	وأنا عيوني عن نصيحة مثلكم ماالدها

معزي فلاح واصل السحيمي

10-12-2013 11:48 PM

وش رايكم بالمنتدى ياربعنا المتميزين
	يجيبها الجزلات ماتصعب على اللي قدها
لي هقوة(ن) فيكم بلاكم من سلالة طيبين
	من لابة(ن) عند اللقاء يضحك ويبكي ندها

عبداللطيف عوض السحيمي

11-12-2013 12:15 AM

صرح الوفاء لاأهل الوفاء مبني على مذهب ودين
	الطيب ماجاهم تصنع من سراير جدها
نحتاج دعم وكل ماتبغون منا حاضرين
	واللي بنى له ساس صرح بحكمته ماهدها

معزي فلاح واصل السحيمي

11-12-2013 12:25 AM

صدقت والله عزنا بالدين دين المسلمين
	بير الوفاء لاأهل الوفاء دايم غزير(ن) عدها
ربعي ذخر نجوان من ماض الزمن متكاتفين
	اسلم وسلملي عليهم والتحايا ودها

عبداللطيف عوض السحيمي

11-12-2013 12:33 AM

صح لسانك ابو فلاح ويصل السلام اطربتني وامتعتني ولي الشرف والفايده يوم العب معك منك نتعلم ونستفيد

الساعة الآن 07:20 PM.

صفحة 1 من 2