اعتذار ومشاركة
 

بسم الله الرحمن الرحيم

اولا احب ان اشكر جميع القائمين على الموقع وانا سبق وان سجلت في الموقع ولم تسمح لي ظروفي بالمشاركة واعتذر عن ذلك واتشرف بان اكون احد اعضاء موقع القبيلة وان شاءالله نستفيد ونفيد وودت ان اشارككم بقصيدة بعد ماقرات قصيدة اخي العزيز حامد بن مروزق بن مهني بمناسبة زواج فهد بن مرزوق بن راشد مع ان قصيدتي كتبتها في حينها فاعتذر عن التاخير

قال السحيمي يوم يصدح بقيفان	نحت الجبال الشاهقات المهمه
يامرحبا ترحيب وافي ومليان	من قلب صادق والفعايل تضمه
باهل الكرم والطيب ذربين الايمان	اللي وفاهم بان مقدار عمه
بحضوركم جانا الفرح قفت احزان	لنا الشرف ماهو كلام(ن) نصمه
انتم هل الوقفات في كل الاحيان	اهل اللوازم دون كبر(ن) وزمه
نعمين ياحامد كما الضلع ورقان	هوج العواصف كثرها ماتهمه
وحنا مع السحمان مافيه نكران	معهم ولو جات العلوم المطمه
نفزع ليا نادى المنادي ياسحمان	ونصيح صيحة فاقد ابوه وامه
درب النقا واضح ولا فيه تيهان	يمشى على قدام والعين يمه
يلقى به عقول(ن) ترجح بالاوزان	واللي نظر للخلف شاف المغمه
احدن بعرفه فارق(ن) بين الالوان	واحدن على عقله لقى من يخمه
والبيت مبني قبل حامد وعثمان	ساسه قوي ومثبتينه بهمه
عالي مكانه مرتفع مابه طمان	للعاثر المحتاج وجهه ويمه
بابه وحيد ولاصنع فيه بيبان	من يفتح البيبان جاته مذمه
والخاتمه صلوا على محمد الان	على نبي الخلق مبعوث الامه

صح لسان شاعرنا
حاولت ارتب الابيات ونحطلها خللفيه فلم تضبط معي فارجو من الاخوان تنسيقها

اللهم صلي وسلم على محمد

صح لسانك وعلى شانك ياعثمان على القصيد اللي يرفع الراس وينومس واللي قد يغني عن الكثير من الكلام والله يجمعنا بإذنه تعالى على الخير والطاعه ونكون سند لبعضنا في كل المجالات وشهادتي فيك مجروحه بكل الأحوال وانت صادق الأبيات مبطي مسويها وسبق ان سمعتها وكان ردي وقتها الموقع مفتوح للجميع وشاركونا باللي يفيد ولاتنظرون رد أحد وألاإطراء من أحد بقدر مانشارك بعض ونستفيد من قصيد وغيره .

وصح لسان شاعرنا حامد مرزوق بن مهني اللي لازلنا نطالب عبدالعزيز بديوانه كامل وان لايحرم ربعه منه وهذي قصيدته اللي رد عليها الشاعر عثمان عائش بن راشد السحيمي ..

قال الغصيبي يوم غنا بالالحان	النهر يجري والروى من مجمه
نبي نبارك له فهد حيث ما كان	وعروسته من لحم عظمه ودمه
مبروك ياشيخان يا عيال شيخان	ناسن لهم فالمجد رايه وهمه
يا نسل راشد يا سلايل كحيلان	مدرب جيشه وخيله بأزمه
مسك زمام العلم من ماض الأزمان	يومن كل(ن) كلفوه بمهمه
وابنائه وابن ابنائه فأول وذلوان	هداج تيمه والبحور المطمه
مرزوق وهديبان والشيخ فيحان	الكل منهم شيخ محد(ن) يذمه
وعايش بعدهم كنه الصقر شيهان	والصقر دايم منزله راس قمه
دكتور عبدالله وراشد لهم شأن	كل(ن) يبي شمل القبيله يلمه
الكل منهم له بني عم واخوان	والنعم بالأخوان وعيال عمه
وسعد سعد والكابتن حسين ماهان	الأرض جاها والفضا راح يمه
اللي بنى بيته بساسه وعمدان	ياللي بنيت البيت راعيه سمه
شكله جميل بواجهاته والأركان	سموه ب(السحمان) والله يتمه
والمعذره من خوف زودٌ ونقصان	ولاني وكيل آدم على كل الأمه
وصلو على خير البشر نسل عدنان	اللي نهى عن كل غيبه ونمه

وهذا رابط القصيده

http://www.alsuhman.com/vb/showthread.php?t=2967

الشاعر عثمان بن عايش صح لسانك قصيدة جزلة ومفردات جزله ولاهي غريبه عليكم
وبيض الله وجهك

صحت السنتكم جمعيا ايه الشعراء الافاضل عثمان وحامد قصايد جزله قوية المعاني تشد عقل القارئ المتذوق للشعر ومعانيه

ابو ريان ابو فيصل الاخ ذاير الاخ بدر بعيد الهقاوي
صحتتتت ابداااااااااانكم جميعا شاكراااااا لتعليقاتكم الجميلة

صح لسانك اخ عثمان وقصيده جزله من شاعر جزل , والنعم بالجميع
واعتذر على التأخير وقصيدتك لم الاحظها الا الآن بسبب ظروفي وانشغالي عن المنتدى _
وكل عام والجميع بخير