قصيدة بمناسبة الديوانيه في العثيّا
 

الماقف اللي فيه عز الرياجيل
حق(ن) عليّ اجيه واظهر يميني
واعقّل الجزلات للفكر تعقيل
موثّق قيود القصيد الثميني
وابدا بذكر الله قبل كل ماقيل
من قاف نظم الراس يبغى يبيني
اقدّم السلام وابدا بتمثيل
فكره وللاخراج ربي يعيني
ويالله تيسر الماقف بكسب تحصيل
كسب الرجال اللي لهم عزٍ متيني
وبوجودكم يازين مسامر الليل
ياروس ربعن فالزمن ماتهيني
والله ثم والله لوجبت تحليل
وحللت دم العرق والله يبيني
حب القبيله داخل العرق سايل
واضح على الجهاز عمره سنيني
يامحزمي يابندقي ياالمشاكيل
يااهل الاصايل يا الضمان الضميني
ياقاف ابي من اجلهم شدّت الحيل
ولروسهم والله اني مديني
وانا ولد منهو يحب الجمايل
للضيف والمحتاج وقفة معيني
رباني من صغري على علم قايل
حب الربع من قلب وجهك يزيني
وللخير والمحتاج لا،،لاتحايل
سوق القدم للخير رزقك يحيني
خوالي فالميقاف ركّابة الخيل
لجى نهارٍ فيه شيب الجنيني
الاد عم ابن السحيمي زحاحيل
ومن حبهم لثنينهم متضامنيني
الوسم واحد وللتكاتف مقابيل
هذا الصحيح وكلهم وسط عيني
ويالله جمّلني على علم طايل
واجعل زهاب النفس صدقٍ مبيني
في ماقف لعز العرب وقته الليل
هاضت له الفكره وشدّت جبيني

أشكرك أبو طاهر للتوضيح
الشطر الثاني من البيت الاول حق(ن) عليّ أجيه واظهر يميني