| شحب وجه الزمن واستسلم المظلوم للظلام |
|
| |
بعد ما خانه الحظ العنيد وضاعت أوهامه |
| مشى ما همّه الدرب الطويل ونظرته قدام |
|
| |
تحدوه المحابين وحلف ما يحني الهامه |
| ما دامه يملك الحلم الطويل وسطوة المقدام |
|
| |
عسى الله ينصره.. ويوفقه.. ويثبت أقدامه |
| يقولون أشقر الريش ان جزع فل الجناح وحام |
|
| |
وأنا أقول اش يسوي في سبوقه والدهر ضامه |
| وجودي وجد عودٍ كل ما مد الفراش ونام |
|
| |
تراوا له خيال وليده المقتول بأحلامه |
| وجودي وجد من مسكوه ظلم وحكم بالإعدام |
|
| |
ولا باقي عليه إلا شهر وينفذ اعدامه |
| وجودي وجد رجلٍ عاش بالغربة ثمان أعوام |
|
| |
يقطّعه الحنين ولا تضايق عض بابهامه |
| رجع ودّه يعيش بديرته ويحقق الأحلام |
|
| |
ويطوي صفحة الحزن القديم بماضي أعوامه |
| وصل بيته سمع صوت أمه تصيح ودخل منظام |
|
| |
لقاها تحضن أخوه الوحيد ومات قدامه |
| صرخ من صدمته والي فقد غاليه ما ينلام |
|
| |
ألا وا شيب عينه يوم لد وناظر أيتامه |
| تقرب قال أبطالع بوجهه مع فتوق الخام |
|
| |
وقالوا له تباعد دام دفن الميت إكرامه |
| تنهد وأسبل دموعه على خده وصد وقام |
|
| |
وقال الله من جور الزمان وقسوة أيامه |
| وجودي والزمان اللي قسم قلبي ثلاث اقسام |
|
| |
مابين الحزن ..وضروف الحياه ..ونفس لوّامه |
| لو اضحك ماضحكت من الفرح لان الفرح مادام |
|
| |
ولو ابكي مابكى الا صدري اللي نحلت عضامه |
| انا الطير الجريح اللي هجر عش الطيور وشام |
|
| |
ولكن ماسلم من حيلة الصيّاد وسهاامه |
| وانا نفس العزيز اللي يحارب ذل الاستسلام |
|
| |
يعيش بصمت لو شوك المعزه يحفي اقدامه |
| وانا الرجل الوحيد اللي حلف مايعبد الاصنام |
|
| |
ومع ذالك هجوه ...وشككوا في صحّة أسلامه |
