ملتقى السحمان من حرب - قصيدة الشاعر دحيم بن فاطم السحيمي في حفل ديوانيه السحمان

هلا يامرحبا حياكم ٱللـہ ياهل الطالات
تراحيب الأخوه والوفاء في دين الإسلامي
هلا بسم الشيوخ أهل المروه وأهل الجزلات
هل الشيخه على طول الليال وطول الأيامي
هلا يردف هلا بعيال جدي طيبين الذات
هلا ياتاج رأسي درع جنبي سيفي حزامي
هلا حيا ٱللـہ ألاد السحيمي وأبرك الحزات
ألا ياطول رأسي يوم أشوف الربع قدامي
على الميعاد يجمعنا الوفاء ساعه من الساعات
على طـْيب النوايا وإجتماع الربع الإكرامي
طحاطيح الرجال أهل الحموه وأهل الفزعات
مطانيخ الرجال أهل الشجاعه وأهل الإقدامي
لنا التاريخ يشهد بالحقايق والفعول أثبات
ولنا بالمرجله قسمن جزيل يفوق الأقسامي
ولنا بالطيبه حظ ولنا بالموجبه وقفات
وفعايلنا حقايق ماهي بتظليل وأوهامي
ولنا من حمد ربي سمعتن ترفع بها الهامات
وعلمنا بالمراجل يرتفع من بين الإعلامي
يصير القول فعل أن راحة علوم الرجال وجات
وترا السحمان لاقامو بلازم حظهم قامي
وترانا مانميل وصدق مانصبر على الميلات
ومعروف السحيمي بالوفاء عزام جزّامي
وحنا حرب حرابة دول وأنشد زمان فات
لنا تاريخ يشهد وأنشده ماهو بظلاّمي
قبيلة حرب يوم الحرب والصولات والجولات
لهم بالمعجزات وفعلها تخليد وسهامي
لهم خوه وجيره بالوفاء ترفع لهم رايات
منجين الدخيل دخيلهم ماهو بينظامي
وهالحينه بحكم أل سعود موحد الأشتات
حكمنا بالعدل وإنهاء الخصومه بين الإخصامي

{ الشاعر؛ دحيـمَ فآطِـمَ السٌحيمَـي }