|
قصيده بمناسبة شفاء خادم الحرمين الشريفين الملك /عبدالله بن عبدالعزيز حفظه الله وأطال في عمره, عام1432هـ
حي المليك اللي له القلب يشتاق
انحمد اللي جابكم بالسلامه يا خادم البيتين جت معك الأرزاق يا ثالث العيدين وانت تمامه والله ما مثلك على الخير سباق الشعب فرح ورفرفي ياعلامه حامي حدود الشعب عن كل بواق حنا ننام وعينهم ماتنامه معروف بالحكمه وللصدق نطاق والصدق مثل الشمس يجلى ظلامه يشدا مزون الغيث رعده وبراق من صدق نوه لأستهل بغمامه مثل العسل شفاء وحلوه لمن ذاق واللولو والمرجان يشذا كلامه من القلم والحبر مليت الأوراق من كثر خيرك عام(ن) بعد عامه بسط جميع الشعب وللجود عشاق واللي حلم له حلم صدق حلامه نحمدك ياللي خالق الكون خلاق يا اللي شفيته لين حقق مرامه ولي عهده نور من شمس الأشراق والنائب الثاني رفيع مقامه عبدالعزيز اللي حكمها على ساق بالسيف والبندق وخيل ومسامه واليوم جو وبر وسلاح فتاق يورد على حوض المنيه سهامه آل السعود اللي مضفين الأرواق كل(ن) زعيم ويستحق الزعامه حاريبهم لمن يبسن الأرياق يقبل ويقفي ما تشيله عظامه يسقوه كاس السم والسم حراق ليل ونهار السم داخل طعامه والشعب معهم مايعاوز تحقاق حضر وبوادي فالمهمه أمامه واضح ولا يبغى ولانا تدقاق نمشي بشرع الله ونتبع نظامه والمجتمع واحد ولا به تفراق والمحترم فرض(ن) علينا احترامه وصلاة ربي عد مزن له أطباق على شفيع الخلق يوم القيامه الشاعر /حامد مرزوق الغصيبي |
صح لسااان الشاعر وعافاك الله أخوي عبدالعزيز
يستاهل خادم الحرمين أمد الله في عمره ووطنا يحتاج الآن القصائد اكثر من اي وقت مضى دمت بود وتقبل مروري |
صح لسانك اخوي عبد العزيز على هذه القصيده الطيبه
|
| الساعة الآن 11:57 PM. |
Powered by vBulletin®
Copyright ©2000 - 2011, Jelsoft Enterprises Ltd.
new notificatio by 9adq_ala7sas
HêĽм √ 3.2 OPS BY: ! ωαнαм ! © 2011-2012