ملتقى السحمان من حرب - وجـد حالـي لا اقبـل الليـل وانـزاح النهـار

وجـد حالـي لا اقبـل الليـل وانـزاح النهـار****وجد من باقي بعمـره عـن المـوت شعـره
التـفـت حـولــه بـنـيـات وعـيـالـه صـغــار****امـهـم مـاتـت ولا لــه بـعــد مـاتــت مـــره
موتـره تكسـي يـكـده عـلـى خــط المـطـار****وبيـتـه صغـيـر واجـــاره سـنـيـن مـأخــره
غـمـض عيـونـه وفـتّـح ونـاظــر لـلـجـدار****مـالــه الا يـفــرك يـديــه ويــطــق نــحــره
ايـقـن ان العـمـر لـلأدمـي رحـلــة قـطــار****لـكــن ان الـفــرق رحـلــه بـلـيــا تــذكــره
في زمن ماتامن الناس حتـى الجـار جـار****فـي زمـن فيـه الصداقـات مامنـهـا ثـمـره
في زمن كبّـر صغـاره وصغـروا بـه كبـار****فـي زمـن متسـاويٍ فـيـه يـومـه وشـهـره
كــم وجــهٍ يختـبـي خـلـف وجــهٍ مستـعـار****وكـمّ حلـم عـاش راعـيـه وســط المقـبـره
ماتـبـرد حــرة الـجـوف فــي فــك الــزرار****لا بـــدا بـالـصـدر تـكّــه وبالـعـيـن عـبــره
غـيــر جـيــبٍ كـنّــه الـسـبـع لا قـفّــا ودار****كانه أقبـل لـك بوجهـه ولا اعطـاك ظهـره
جيـب لندكـروزر أفظـل فـئـات الفـكـس ار****مفـخـره دابـــل كـبــود الـمـواتـر مـفـخـره
كـن لونـه ثـوبٍ ابيـض مخيـط فـي مشـار****مـابـعــد دقــــوا سـويـكــه ولا دار كــفــره
مـثــل مابالـغـيـد مـاقــد خـذيـنـا الا بــكــار****بالمـواتـر نـاخـذ الـلـي مـاطـب السمـكـره
مـن نشاطـه كـن شكمـانـه يطـلـع شــرار****مــــاوراه الا ظــلالــه ولــجـــه وغــبـــره
وان تمـايـل بــا اتجاهـاتـه يمـيـن ويـسـار****مهرتن في عرس اخوها تمخطر مخطـره
كــن كـراسـيـه كـنـبـات لـطــوال الـعـمـار****وكن نور اسطبـه كبـوس فـي ملعـب كـره
منظـر الطبلـون قوسـي تقـل فتحـة وجـار****وكـن زانـه عـودٍ ازرق مهـو فـي مبخـره
لا شريته جـب بـه الارض وارثـع بالديـار****مـاهـو بحـقـه تخلـيـه فـــي ظـــل شـجــره
هج عن ضوضا المدينه وعن جو الغبـار****سـج عـن نقـالـة الحـكـي وأهــل الثـرثـره
حـط كسيـت ابـن جـدلان لا طـال المـسـار****ولا امتلى راسك مـن النظـم شغـل منقـره
سجةٍ با ارض ماهي ملك في مكتب عقار****قاعهـا مـن صـادق الوسـم ماجـف مطـره
سجـة اللـي راح عمـره رهـيـن الانتـظـار****ان لقى الشر كتمه وان لقى الخير شكره

الشاعر / سطام بن بندر بن بتلاء