|
تــغــاريــد ..!
السلام عليكم ورحمة الله وبركاته
اسعد الله اوقاتكم بـ كل خير اخترت لكم بعض تغريداتي السريعه في تويتر واتمنى ان ترتقي الى ذوائقكم الليالي بـ المصايب حابله وعيب ع الرجال لوّه هابها لو كبده وسط صدره ذابله المراجل لا يقفل بابها ـــــــــــــــــــــــــــــــــ الله اكبر من كبار القامه والله اكبر من كبار الهمه و والله إن الشعر حان إعدامه يوم قلته ياوسيع الذمه ـــــــــــــــــــــــــــــــــــــ لا تعسف القيفان ياشاعرنا ولا تألف كلمة(ن) من راسك على استماعك ماحد(ن) جابرنا مادمت عاجز لاتقول احساسك ــــــــــــــــــــــــــــــــــــــــ شعار طل ؟؟ اقول روحوا وهاتو شي(ن) ماحد جابه جديد إن حضرتو قصايد اللي من زمانين ماتو تكرارها مل ..! وبعد ما مللتو ..! ـــــــــــــــــــــــــــــــــــــــــــــ كل نفس(ن) صابها غاشي وعله ياحظ من رحمتك يالله طالته الله اكبر ولا إله إلا الله ومؤمنين(ن) بـ النبي ورسالته ــــــــــــــــــــــــــــــــــــــــــــ القصايد بنات ابكار في عز ابوهن صانهن مالحقهن من سبايبه منقود لا احضرن عند غيره في غيابه يتوهن مايبن غير ((موسى)) أب عنهن يذود ــــــــــــــــــــــــــــــــــــــــــــــ الله معطيك مال ومـ انت حول الفقر لكن وربي صعيب تسد صاحب فـ حاجه ورغما بأن الفقر ماخذ حياتي مقر من هو زبني يحصل بـ اذن ربي خراجه مستحيل الدجاجه تقدر تجابه صقر ومستحيل الصقر يحسب حساب الدجاجه ــــــــــــــــــــــــــــــــــــــــــ اتوزّع واحصلني بـ كل الدروب ولا لقيت الاصيل إلا يقاد بـ عنان ماتبان الحقيقه فـ الزمان الكذوب و ارجل اللي يعيشه حيل ياهو جبان ــــــــــــــــــــــــــــــــــــــــــــــــ حياتنا ماشيه وامورنا فـ السليم وصدورنا لو تضيق نشيل فيها الفضاء والحمدلله بخير وعايشين بـ نعيم مادام فـ البيت خبز ومـ انقطع عنه ماء ـــــــــــــــــــــــــــــــــــــــــــــ سعادتك فـ الحياه إن كان تطلبها وفـ الاخره كانك مصمم وتبغاها على الصلاوات نفسك دوم وضبها وجنب عن اللي تبي نفسك ومشهاها ـــــــــــــــــــــــــــــــــــــــــــــ تكلموا عن حب ولا تفاؤل ولا عن من مفارق وتوديع لـ احباب بس الكلام اللي عليه التساؤل ليه البعض مايحكي إلا إذا اغتاب ..؟ ــــــــــــــــــــــــــــــــــــــــــــــــــ ــــ ياذباحت احزاني طيوفك تجي تختال معاها الفرح غنت بـ صدري عصافيره ابكتب لـ عينك كل شي(ن) صعيب يقال وانا وحدي اللي يكتبنه طباشيره ..! ــــــــــــــــــــــــــــــــــــــ والله إني يامحمد كل ماجيت اتغنى ثارت اشجون الخفوق ودارت الدنيا عليّه ياعذابي في حياتي عاجز(ن) فيها اتهنا سبة اللي حالت الاقدار دونه عن مجيه ــــــــــــــــــــــــــــــــــــــــــــــــــ ــــ الشاعر ان طوّح بـ عقله على جنانه يملك جناح(ن) في فمه ماهو لسان وانا لو اعبر كل هـ العالم المرضانه يمدي ثلاث سنين طايح وانا مرضان ..! ـــــــــــــــــــــــــــــــــــــــــــــــــ ثوبي بعد ما لبسته ازريت اصك ازراره من ضيق صدري تضخم بغت تطيح اسواره ـــــــــــــــــــــــــــــــــــــ بداية شروق الشمس من بعد الاذان ماكنه إلا بين الاحداق جمره ماعاد بـ الدنيا بقى ايت الوان غير السواد اللي مطعّم بـ حمره ــــــــــــــــــــــــــــــــــــــــــــــــــ ــــــ الظروف اللعينه واليدين الطوال في بلادي وربي مالها ايت شبيه والله إنا تعبنا ماعاد فينا احتمال ماقدرنا نجيب اتفه من اللي نبيه يابلادي (خلاااااص) الوضع ماهو عدال من يدينه طويله قص قصي له يديه ــــــــــــــــــــــــــــــــــــــ الراتب نصه سلفته لـ اصحاب(ن) مثلي محتاجه والنص الثاني ما شفته للي سلفني مخراجه ..! ________________ جيت اسأل الدار والشباك والحاره يوم الحنين اجرم بي وجيت ساري اتعبتي القلب قبل الرجل ياساره وينك ترى بعدي ماهو بـ اختياري ________________ ايه احضري يـ الهجوس فجي نحر دفتري عليك حدمت نفوس من قدك اتبختري _________________ اعيش مع مرضى وانا ماني مريض حدتني الغربه وعايشت مرضى اقولها من غبن بـ الخط العريض فـ الصين غصبن عن عيوني ابرضى _______________ اعمق من البحر تفكيري ماهو على مدت ظلالي ولو كنت يـ اخي مثل غيري ماكنت دايم وانا لحالي ..! ________________ ذكائي مسبب عناي وشقائي لا , واهني الاغبيااااا بعض الاحيان ورغما على اني عايش بـ كبريائي مازلت شايل داخلي انبل انسان ______________ انتبه لا تكبر وانت كائن ضعيف قادر الله يُميتك بـ اصغر الكائنات / |
مشكوووووور والله يعطيك الف عافيه
|
تغريدات رائعه يعطيك العافيه
|
تغريدات رائعه يعطيك العافيه
|
لو كبده وسط صدره ذابله
المراجل لايقفل بابها صح لسانك يابو منصور على هذه التغريدات |
| الساعة الآن 08:38 PM. |
Powered by vBulletin®
Copyright ©2000 - 2011, Jelsoft Enterprises Ltd.
new notificatio by 9adq_ala7sas
HêĽм √ 3.2 OPS BY: ! ωαнαм ! © 2011-2012