ملتقى السحمان من حرب

ملتقى السحمان من حرب (www.alsuhman.net/vb/index.php)
-   ركن الشعر العام (www.alsuhman.net/vb/forumdisplay.php?f=32)
-   -   قصيدة عبدالرحمن سعد السحيمي بحفل خريجي ضباط حرب لهذا العام (www.alsuhman.net/vb/showthread.php?t=2559)

خالد عايد عنيزان السحيمي 25-05-2013 09:59 PM

قصيدة عبدالرحمن سعد السحيمي بحفل خريجي ضباط حرب لهذا العام
 
قصيدة الشاعر / عبدالرحمن سعد ملفي السحيمي في حفل ضباط حرب في مدينة الرياض لعام1434هـ
ياحرب ياللي تعتقون المساجين  
  ياهل اليدين الوافيه والقويه
اهل الفعول اللي تدك الميادين  
  ماهي هروجن فالرخاء والسعيه
ماهي غريبه جمعكم للملايين  
  يوم انتخى الحربي على شان ديه
وانتم عطيتم روح دون الخويين  
  يوم اعتق الحربي بدمه خويه
وعندي على قولي شهود وبراهين  
  مطير مع شمر هل الشاذليه
يالفرم يابندر هذولا مجانين  
  جنانهم جن السطا والحميه
يالفرم لوتامر على ضربة الصين  
  جابوا لك السور العظيم ضحويه
حربن على قب الاصايل شجيعين  
  كم شيخ قومن وردوه المنيه
وحربن مع الاجواد زينن على زين  
  ومع الردي سم ن على ناب حيه
تغضب ليا غضبت سواة البراكين  
  وتعفو وهي بيدينها مقدريه
وياحرب ياحرب الدول والشياطين  
  يامكرمين الضيف يااهل العطيه
انتم هل الفزعات وانتم هل الدين  
  وانتم زبون الكايده والمعيه
وانتم على عرش المراجل سلاطين  
  وتضرب لكم كف المكارم تحيه
ياغيث ومزون القلوب المساكين  
  ياسعد من كانت حياته شقيه
والمدح واجب للرجال الشريفين  
  والريح ماهزت غزال وطميه
وياحرب ياشوق البنات المزايين  
  اللي لهن بالمجتمع قابليه
حنا تربينا على حب ثنتين  
  وللحين حنا ماسكين الوصيه
اما نعيش احرار طيب وكريمين  
  والا نموت ولا حياة ن رديه

الفارس 25-05-2013 10:04 PM

صح السان الشاعر وتسلم يد ناقله

عادل سليم 25-05-2013 11:18 PM

بيض الله وجه الشاعرعلى هل قصيده الجزله

عادل سليم 25-05-2013 11:27 PM

شي،ن،ينومس من فكر ربعي اليوم،،،،صاغو قوافي في المجالس ثمينه

أبوريـــــان 26-05-2013 12:30 AM

سلمت ودمت يالغالي أبوشهد تغيب وترجع بدسم دائما

صح لسان أبوسعد على القصيده الجزله ويشرفنا تواجده بين إخوانه

عبدالله معلث عوض السحيمي 27-05-2013 04:01 AM

صح لسانك وبيض الله وجهك ومثلتنا خير تمثيل

بعيد الهقاوي 27-05-2013 09:59 AM

صح السان شاعرها وسلمة يد ناقلها

احمد معوض بن عواض 28-05-2013 12:23 PM

صح لسانك وبيض الله وجهك

خالد عايد عنيزان السحيمي 07-06-2013 12:24 AM

شاكر ومقدر لكم زيارة متصفحي هذا لاخلا ولا عدم
دمتم

ضلع عوف 11-06-2013 07:08 AM

صح لسان الشاعر عبد الرحمن على هذه القصيده الطيبه ومشكور اخوي خالد على هذا النقل الرااااااااائع


الساعة الآن 02:12 AM.

Powered by vBulletin® Copyright ©2000 - 2011, Jelsoft Enterprises Ltd.
new notificatio by 9adq_ala7sas
HêĽм √ 3.2 OPS BY: ! ωαнαм ! © 2011-2012

Security team