العام قدنا معركة بدر وحنين
 

عن شرهة العاقل وذم الرديين

وقولة قدى والاعلى غير قادي

صديت عن بعض العلوم الملاوين

علوم للعاقل تعل الفوادي

تناقلوها حاسدين وبغيضين

ماعندهم من علم غير الدوادي

وانا رجل طبعي مع العسر واللين

ماحب في بعض العلوم التمادي

ماهمني هرج الردي والمساكين

رجال عندي عز نفس ومبادي

ان جاتني عوجا بعيد وقريبين

عنها الفجوج اوساع وسط البلادي

لاصار مالي عندهم خابرٍدين

الصمت حكمه عن كلام السرادي

لو كل مسمع ثارني يالفهيمين

شرهة علي الناس حضر وبوادي

العام قدنا معركة بدر وحنين

وعن الحما رديت كل الاعادي

رجحت بالميدان كل الموازين

السيف سيفي والكحيله جوادي

ولقيت ضدي ناس وسط الفريقين

تلومني وتقول مخطي وغادي

لاخذة في راي الرجال الحكيمين

مابحث عن الاخبار في كل رادي

ياسلام عليك يا ابو تركي صح لسانك على هذه الابيات الذي كل بيت من ابياتها حكمه وبلاغه

الى خذت راي الرجال الحكيمين===مابحث عن الاخبار في كل رادي


صح لسانك اخوي الشاعر سعد المحمدي على هالابيات الرااااااااااااااااااائعه واجتماعيه حقا
وتقبل اطلاعي