ملتقى السحمان من حرب

ملتقى السحمان من حرب (www.alsuhman.net/vb/index.php)
-   ركن الشعر المنقول (www.alsuhman.net/vb/forumdisplay.php?f=79)
-   -   يارجم أنا بينـي وبينـك علاقـه (www.alsuhman.net/vb/showthread.php?t=2341)

بعيد الهقاوي 11-04-2013 11:42 PM

يارجم أنا بينـي وبينـك علاقـه
 
يارجم أنا بينـي وبينـك علاقـه=علاقـة ً بينـي وبينـك قديمـه
أنت الاشم اللي حفظت الصداقـه=ماغيرك حر الزمـان ونسيمـه
مبداك يارجم العنا لـي عشاقـه=له في صميم القلب يارجم قيمـه
لو كأن مالي في حجا الرجم فاقه=لكن قلبي همه أحـرق صميمـه
رجمٍ سفر قبلي له سنيـن واقـه=وغنا بقافٍ يشبـه الـدر ريمـه
قـافٍ تناقلـه الرجـال برواقـه=أهل المواقف والقلـوب الفهيمـه
وقال السديري فيه والقاف ساقـه=نهار شاف الضلع كاسيه غيمـه
ثارت أهجوس الفكر والرجم شاقه=وغنا وذم أهل النفـوس الذميمـه
وأنا على نهجي وعندي طلاقـه=شاعر ولي مبدا ورأي وعزيمـه
شرهة قدم رجلي على عظم ساقه=مع الرجال أهل السلوم العظيمـه
شعري يجمل ماخذيتـه أسراقـه=أذكر به أمجاد الرجال الحكيمـه
حقاً على أذكـر أمجـاد الرفاقـه=أهل الشجاعه والنوايـا السليمـه
مافي هل الطالات قطـاع ساقـه=أمجادهم مثـل الجبـال المقيمـه
ربعاً ماتاتـي بالعلـوم الدقاقـه=أهل المواقـف كاسبيـن الغنيـه
سموا البقوم اللي ماوخذوا إعلاقـه=يوم الحرايب والامـور الوخيمـه
ألهم على لطم المعاديـن طاقـه=مايعرفون الغطرسـه والنميمـه
حرابهم دائـم مايصفـي مذاقـه=أما قتـل والارجـع بالهزيمـه
ودقلاتهم بحراً يهـول أصطفاقـه=أليا التطم ثم وصل حـده وتيمـه
ماحدٍ من هل العرف والطيب هاقه=يهول من يفهم ويسمـع وشيمـه
ربعي كعام اللي خذتـه الحماقـه=ومنصى وملفى للرجال الحشيمـه
وعون الذي كتف ووخـذاً نياقـه=وخذاً بحد السيف غبـن وظليمـه
ودخيلنا يامن وتصفـي أخلاقـه=نحميه لو جار الدهر من غريمـه
وقصيرنا منـا ونكـره أفراقـه=يظيمنا اللي في زمانـه يظيمـه
وخوينا يمشـي بعـز ورشاقـه=عن الغلط يكرم ونلطم خصيمـه
وكل القبائل نعم طيـب ولباقـه=قبائـلٍ وإلهـا فعـولٍ جسيمـه
واليوم في عهـدٍ وسيـعٍ نطاقـه=الله على الشعب السعودي يديمـه
عهد الملوك أهل الوفاء والحذاقـه=أهل الشجاعه واليديـن الكريمـه


مهل الرياحي

احمد معوض بن عواض 12-04-2013 06:39 PM

اسمح لي ابدي اعجابي بقلمك وتميزك واسلوبك الراقي وتالقك

معزي فلاح واصل السحيمي 12-04-2013 11:13 PM

شكرا لك ابو فهد على اختيار هذي القصيده الجزله وصح السان صاحبها تقبل مروري مع اطيب تحيه

ضلع عوف 16-04-2013 09:39 PM

بيض لله وجهك يابعيد الهقاوي صحيح بعيد هقاوي ماتجيب
لا الطيب وانته اطيب وصح لسان شاعرها

بعيد الهقاوي 18-04-2013 01:40 AM

الف شكر لكم جميع على المرور الرائع والجميل
الذي انار متصفحي هذا

سفيرالهيلا 18-04-2013 11:51 AM

اطال الله في حياتك امتعتنا بذوقك الرفيع وختيارك الجزل بعيد الهقاوي


الساعة الآن 10:23 PM.

Powered by vBulletin® Copyright ©2000 - 2011, Jelsoft Enterprises Ltd.
new notificatio by 9adq_ala7sas
HêĽм √ 3.2 OPS BY: ! ωαнαм ! © 2011-2012

Security team