ملتقى السحمان من حرب

ملتقى السحمان من حرب (www.alsuhman.net/vb/index.php)
-   ركن الشعر العام (www.alsuhman.net/vb/forumdisplay.php?f=32)
-   -   العسكري راتبه مايصـرف اعيالـه (www.alsuhman.net/vb/showthread.php?t=2305)

سعد المحمدي 02-04-2013 09:14 PM

العسكري راتبه مايصـرف اعيالـه
 
العسكري راتبه مايصرف اعياله
ديانته عند بابه كل عصريه
بجازة الصيف دايم حالته حاله
على معاشه لزوم ايشوف جمعيه
تلقاه بعد الاجازه من شغل باله
يمكن تصيبه مع الايام نفسيه
ياناس بعد التقاعد ويش يصفاله
شهرين وتحصلونه عند خيريه
متى هل الشان وهل الجود تصحاله
اهل الكرم والعطا درع السعودية
الدار ماحرره لاعب بسلساله
وماحرره من دوامه نص يوميه
على شماغه يميل دايم عقاله
عنده عماره وخمس بيوت شعبيه
الجيش من حرره جعل النصر فاله
لبا ندا المستغيث من الجنوبيه
كلام شاعر عرف وشلون مدخاله
جندي مقاتل تكلم في شفافيه
يوم الجنوب استحلو عالي جباله
مع اول الجيش في قوه مظليه
على حدود اليمن لا جر مواله
يمكن صدى الصوت ياصل للشمالية

معزي فلاح واصل السحيمي 02-04-2013 10:34 PM

صح والله لسانك يا ابو تركي على هذه الابيات فعلا ابيات في قمة الجوده اجتماعيه ومليانه ميه بالميه اقول صح لسانك ثاني مره على هذا الابداع تقبل مني اطيب تحيه

بعيد الهقاوي 02-04-2013 11:31 PM

صح السانك اخوي الغالي ابو تركي
وبيض الله وجهك على هذه الجزله واللي مثلك مايجيب الا الجزل

ضلع عوف 03-04-2013 03:44 PM

صح لسانك اخوي الشاعر سعد المحمدي ابيات اجتماعيه طيبه وانت اطيب
وتقبل اطلاعي

ناهض مثيب السحيمي 03-04-2013 11:03 PM

اخي الشاعر سعد المحمدي
الله يحييك اخوي في محلك بين اهلك وربعك
وصح لسانك جدا قصيده رائعه وبيض الله وجهك
ولاتحرمنا جديدك
تحياتي لك اخوي

حسين مرزوق بن راشد 04-04-2013 02:59 AM

كــلام شـاعـر عــرف وشـلــون مـدخـالـه
جـــنـــدي مــقــاتــل تــكــلــم فــــــي شـفــافــيــه


صح لسانك أخوي سعد المحمدي


الساعة الآن 11:59 PM.

Powered by vBulletin® Copyright ©2000 - 2011, Jelsoft Enterprises Ltd.
new notificatio by 9adq_ala7sas
HêĽм √ 3.2 OPS BY: ! ωαнαм ! © 2011-2012

Security team