ملتقى السحمان من حرب

ملتقى السحمان من حرب (www.alsuhman.net/vb/index.php)
-   ركن الشعر العام (www.alsuhman.net/vb/forumdisplay.php?f=32)
-   -   بسم الله الفرد الصمد (www.alsuhman.net/vb/showthread.php?t=2303)

معزي فلاح واصل السحيمي 01-04-2013 09:42 PM

بسم الله الفرد الصمد
 
بسم الله الرحمن الرحيم


بسم الله الفرد الصمد  
  رافع سماه ابلا عمد
ولا اله كفواً احد  
  الله رب العالمين
بك ياالهي مبتدي  
  يامن لك اركع واسجدي
ولا اتكل على اجهدي  
  وانته مجيب السايلين
عليك تيسير الامور  
  ياعالم اسرار الصدور
انت الرحيم انت الغفور  
  لك ذاكرين وحامدين
وجوي ليا منه صفا  
  الشعر له هاجس لفا
ياهاجسي راعي وفا  
  جايب لي الشعر الثمين
ان وجه الهاجس رموت  
  تجي على ماابغى البيوت
تجي تراكض في سكوت  
  والشعر نظمه لي يزين
ارتب ابيوت القصيد  
  مختار لي طرقاً جديد
لعل به شيئآ مفيد  
  يا خالقي بك مستعين
ارتب ابيوتآ جزال  
  تطرب لها اعقول الرجال
كيفآ مثل كيف الدلال  
  يضبط مزاج المضرمين
وانا بعيد اعن الغرور  
  اقطف زملايق الزهور
انظم قوافي فيي سطور  
  شعراً به العلم اليقين
اباتنقى ماأرى  
  انه يفيد اللي قرى
ولااجيب شعر امكسرى  
  ينقد علي العارفين
الشعر يطرح مسأله  
  والا يعالج مشكله
وان جت معارك مذهله  
  وقفت بطل صارم يبين
بالشعر شي امن النفع  
  وانا بشعري مقتنع
واخذ براي المطلع  
  اسمع كلام الفاهمين
شعرآ مثل صوغ الذهب  
  وشعرآ يقال ولا انحسب
يااهل المعاني والادب  
  اخاطب العقل الفطين
وأنا بشر اخطي واصيب  
  ولا اقول انا بس اللبيب
لكن مااحدرها الشعيب  
  وللشعر ناس إمقيمين
والناس شتى اذواقها  
  ويعلم بها خلاقها
والطيبه عشاقها  
  في سوقها متواجدين
ياكثر في هذا الزمن  
  امن المصايب والمحن
بالارض ياكثر الفتن  
  ضد العرب والمسلمين
ياعالمن ميت ضمير  
  ماتشاهدوا ظلمآ يصير
وحنا مبشرنا القدير  
  ان النصر للمومنين
ظلمآ مثل شمس النهار  
  اشعوب تذبح مع دمار
ماكنه اللي صار صار  
  والقصد واضح للفطين
شلال من دمآ يسيل  
  في شامنا ذاك العليل
والطاغيه كم له عميل  
  معه الطغاه الملحدين
والقدس له ستين عام  
  صابر ويتمنى السلام
وفي يوم فيه الانتقام  
  ياويل صهيون اللعين
تهبون يااعوان اليهود  
  يااخس اوادم بالوجود
وبك استعنا ياودود  
  حنا بنصرك واثقين
قالوا علامك كم يوم  
  لاباس ياابوي امهموم
قلت الاجابه والعلوم  
  لا اللي علي املاحظين
ماهي عليكم خافيه  
  تقرونها بالقافيه
دنيا ماتبقى صافيه  
  ضحكاتها معها الونين
في حال تبقى ذا محال  
  واعمارنا مع الليال
تبيد لو العمر طال  
  وهذا سعيد وذا حزين
عطتني الدنيا دروس  
  صبري على لفح الشموس
لو حسني بعض الحسوس  
  ولا جمايل حاسدين
ولااسير في درب امعكوس  
  ولاارافق اخباث النفوس
وعن تجربه قل الفلوس  
  مارد جود الغانمين
اسج نوب اتخيلي  
  امي وابويه ياعلي
صاروا بذاك المنزلي  
  وكل الخلايق ميتين
اللي رعوني بالصغر  
  ويبغون نفعي بالكبر
اللي بخدمتهم ظفر  
  ياكبر حق الوالدين
اطلب لهم ربآ كريم  
  ياالله عساهم بالنعيم
وماخاب من ناجى الرحيم  
  اللي بهديه مهتدين
ورجعت لايام الشباب  
  فيها خطا فيها صواب
ونفسي مااحملها عتاب  
  راحت بمافيها السنين
فيها صفاء وفيها شقى  
  واللي لمولاه اتقى
هذاك بالعليا رقى  
  ومشى بركب الصالحين
وهلحين باايام المشيب  
  اللي بها نفسي تطيب
في طاعة الرب الرقيب  
  منك المعونه يامعين
ياالله يارب الثبات  
  ياخالقي حتى الممات
ويارب في ذيك الحيات  
  اكون ضمن المكرمين
وترى السعاده والنجاح  
  في طاعة الله يافلاح
دايم ونفسك بنشراح  
  خلك بصف المتقين
واذا كلامي له قبول  
  ابغاك تفهم ويش اقول
صحبتك لنظاف العقول  
  إطيب مع الطيبين
اللي لهم قدر وقار  
  وبالمجتمع لهم اعتبار
عمار رفقتهم عمار  
  اللي على نهج الامين
بالناس عاقل وامهبول  
  ومتكبرآ قلب امعلول
ينظر بك ابعينين حول  
  والاصل طين وماء مهين

ضلع عوف 01-04-2013 11:13 PM

يالله يارب الثبات
ياخالقي حتى الممات
يارب في ذيك الحياة
اكون ضمن المكرمين
صح لسانك يابو فلاح على هالقصيده وبيض الله وجهك
ونطلب الله ان يجعلنا انا واياك ووالدينا وكل مسلم في جنات النعيم
وينصر الاسلام والمسلمين

معزي فلاح واصل السحيمي 01-04-2013 11:32 PM

شكرا لمرورك ابو طاهر نسال الله حسن الخاتمه لنا ولكم ولجميع المسلمين

فهد عايد بن عنيزان 02-04-2013 10:40 AM

صح لسانك يا ابو فلاح مميز كعادتك الله يعطيك العافيه ونننظر جديدك

معزي فلاح واصل السحيمي 02-04-2013 01:47 PM

صح بدنك يا ابو فيصل شكرا لك على مرورك كل مايهمنا ان نساهم باي موضوع لهذا المنتدى ولعل مااكتب فيه شي من الفائده تقبل تقديري واحترامي

حسين مرزوق بن راشد 05-04-2013 03:31 PM

جزاك الله خير أبوفلاح وصح لسااانك اليوم ودوم

معزي فلاح واصل السحيمي 05-04-2013 05:18 PM

صح بدنك ابو ريان بارك الله ورحم الله والديك مرورك مقدر شكر لمرورك لك طيب تحيه


الساعة الآن 10:16 PM.

Powered by vBulletin® Copyright ©2000 - 2011, Jelsoft Enterprises Ltd.
new notificatio by 9adq_ala7sas
HêĽм √ 3.2 OPS BY: ! ωαнαм ! © 2011-2012

Security team