لو صارت الفرقا على كامل الناس ... |
| لو صارت الفرقا على كامل الناس |
| قلبي كبير وحزني أكبر بلا قياس |
| مدري يزيل أيام ولا سنيني |
| ياليت يإبن الناس مافيني إحساس |
| أظن يرتاح الضمير ويليني |
| ولا فيه حباً ساكنً بين الاقواس |
| من شان ما تفرحبنا الشامتيني |
| وقلبي كما طيراً على يدين حراس |
| لا فز في الطير قالوا سجيني |
| سجين غربا يصفق أخماس بسداس |
| وتشهد على صفقة أكفوفه يديني |
| ويون وناتً قويات وجراس |
| ونات كسراً بالصدر محتويني |
| والحال راح ولا بقى غير الارماس |
| كنه يقول أن البخت مقتفيني |
| ولا ظنتي عقبه يبا يصير نوماس |
| لا لا وكملها حياتي حزيني |
| حتى بنوك الحب تعلن بالافلاس |
| ماعاد فيه قروض للعاشقيني |
| والله عقبه عفت أنا البيض ياناس |
| وعفت الحياه وعفت منهو يبيني |
| عليه قلبي مثل بنً بمحماس |
| يلعبه الحامس على كل حيني |
| والصبح في عيني يشابه للادماس |
| وشلون أشوفه والدمع مغتشيني |
| تصافقنًّ هموم بقعا على الراس |
| كن الهموم اليوم هي تهتويني |
| أمشي ومسح دمعتي مقرب الساس |
| ما أبغى قليل العرف يلوي يميني |
| بعض العرب لا شاف بالناس وسواس |
| يحسب أنه لاقي له كميني |
| والحمد لله عشت أنا العمر نبراس |
| أمشي ورأسي لسماء معتليني |
| ودقات قلبي مثل عودً ومرواس |
| أتقال أبو نايف يجر الهجيني |
| على الذي هو سادس الخمس الاحواس |
| وأيض هو بالي وروحي وعيني |
| أكتب لها بدمي على كل قرطاس |
| ورأسم قليب الحب والسهم فيني |
| والدم نازل قطرتينً للدواس |
| ومع كل قطره كلمةً تحتميني |
| وصرت أخلف الكلمه من آه على اس |
| حتى أشتكة آه على والديني |
| قالت دخيل الحب بالحب منداس |
| لكنه يكابر وظلعه متيني |
| مير افزعوا يالربع قدام ينحاس |
| ومن ينكسر قلبه ترى مايزيني |
| يبقى حزين وحالته موجب وماس |
| ادنى تقارب يفجر الساكتيني |
