ملتقى السحمان من حرب - مجاراه عن طريق الانترنت

اقدم لكم هذه المجاراه مع الشاعر فايز المحيسن عن طريق الانترنت
اتمنى ان تنال اعجابكم

/والبدايه من فايز
فايز ال محيسن

يامرحبا مليون مليـــــارر ترحاب = وعداد ماتحصا ولاحدن حسبها
اليله اليله ترا القـــــاف شبـــــاب= و انا اشهد انك يالسحيمي شنبها
شاعر حروفك دوم بتنال الاعجاب = و تعجبني افكارك وفلت طربها
وانا ادري ان الود و الشوق غلاب = ياكم هواوي ضلوع صدره حطبها

فواز السحيمي

دام البقــا باللي يرحــب على البــاب = وادبله اعدادِ بطيبه وهبها
يالصاحب الي حافظِ قدر الاصحاب = يالي تنومس خوته ونحسبها
أكتب حروف الشعر لاجات الاسباب = واصور احاسيس قلبي ندبها
قلبي جديد مسجلينه وهو شـــــاب = شايب ماباح اسدوده الي حجبها

فايز ال محيسن

غروٍٍ صغير السن للقــلب نهــاب = وانا طرقت الشعــر منها و سببها
تلت خفوقي تل من جوف الحـــداب = تل الرشا من بير ضامي سحبها
خـــفاقها بالــود مــا هــو بكــــذاب = يا زينهـــا و يا زين رمست ادبها
من عشقها ياصاحبي عارضي شاب = حبيتـها و حــــبيت حتا عربها
فواز السحيمي

القلب لو يسلم مـــن اسهوم الاهـــــــداب = مااصبح جريح من العيون وهدبها
بعض الجروح اطيّب من طب الاعشاب =لاكن بعضها صعب ضايع طببها
بنود المحبــه عهــد مع وصـل وعتـــــاب = والي تخـــون العهد روح وسبها
اليـــوم صفحــــه والعمـــر كلـــــه كتــاب = والقلب يذكر كــل صفحه كتبـــها

فايز ال محيسن

تدري وش اللي حيل يحرّق للاعصاب = اشكي لها الاشواق و شوقي نكبها
في حاجتي تاقف معي مثل الاشناب = و الله على شاني تبيّع ذهبها
وانا اشهد انها ما بها شي ينــــعاب = ماغير خبلن راح قبلي خطبها
وشلون ابنساها وهيّ تسوى الاحباب = ونار الوله والشوق فيني لهبها
فواز السحيمي

اول مراحل فاالهوى نظرة اعجاب = وكلن يقول ان المحبه وهبها
ادري بعضهن كنه الشهد ينســـاب = تاخذ تعبك وتحمله مع تعبها
وان كنت ذيب اكيد به حولك ذياب = تهجم وتاخذ صيدتك تنتهبها
لحظه ابتجاوز معك حـــد الأداب = مسمار حظك مامسك في خشبها

فايز ال محيسن

لو بحّمل اشواقي على ظهر قلاب = اما انكسر لشاص ولا قلبها
ومن نارها صمٍٍ صلافيح تنذاب = و تبقا عزيزه ما اميّل عتبها
ما حافها سبعً ولا ناشها ناب = و ذيب الذيابه فالخلا ما قربها
اخاف انا بالحيل من رب الارباب = وهيه اصيله ماتفرط نسبها

فواز السحيمي

يستاهل الاشواق ترسل له اسراب = واجب تواصل من حياتك سلبها
اكبر قهر فالحب ضنك ليا خــــاب = قلبك لــه السوده ومصيافه أبها