|
جديد أبن عـواد
http://www6.0zz0.com/2012/05/15/16/923408658.gif حال البشر باخر سنينا عشره.. ولا على العشره فزد عشرينا... سطرتها علمن وصلنا عشره.. وعما جرى قدام شوف العينا... شيا مشاهد بس لاحدن يشره.. من غير مايخفى//وما يدرينا؟... بعطيكم الاخبار موجز نشره.. ما ودي اطول على الغالينا... بعض الشباب يعيفك في خشره.. الله يهديهم كما يهدينا... يحلق اللحيه ويدفع عشره.. للموس وينعم بها الخدينا... ويمكيج خدوده لحفظ البشره.. ولو ما فعل عمانه معادينا... وبمثلها يشري بكت للدشره.. وياخذ من اصحابه وفيه يعينا... ثوبه يليم تحته أية حشره.. من طوله ومن نظفه يباهينا... وليا نصحته نعمبو هالكشره.. قال المطوع منخرط بالدينا... هزوا // وينسى لا تكبر فشره.. وليا نهيته قال ما يمدينا... طيب: تصدق // ما اكثر المحتشره.. اللي عشاهم ما لقوه بلينا... ويرد: مالك في حياتي خشره.. حنا ترى بالقوه ان صلينا... جوعن وفقر وضيقتن بالعشره.. ألا الضمان وحافز مغوينا... أبك اذكر الله كيف تبغى تشره.. وش هالكلام اللي تقوله فينا... وابوك عمرك ماتعدا عشره.. مدري عليها خمسه ان عدينا.. وشلون أجل عمانك المنتشره.. جهال علم ونقص عقل وشينا... تكفى يبو عساف عيد النشره.. واخبر بها اللي بالهوى غاوينا... الصاحب الطيب بمالك فاشره.. ولا الردي بيعه قبل يعدينا... الله عطانا امنا وامان وبشرى.. بالاوله والاخره مرضينا ... http://www6.0zz0.com/2012/05/15/16/923408658.gif الشاعر / عبدالعزيز العواد |
صح لسان اخوي عبدالعزيز على هذه القصيده وفي محلها كفانا الله شر انفسنا وهدى الله شبابنا وشباب الامه الاسلاميه
اكثرهم الا من رحم الله اتبعو الموضات والجولات والله ان الحريم صارن اعقل منهم هداهم الله وهدانا وعفانا00 وسلمت يمنيك يا ناقلها 00 يا رفيق العز يا ابوعساف |
صاحب الــحــرف الأنــيــق الــمــبــدع (( ابو عــــــساف)) مــن قــمــة إلى قــمــه .. هــذا .. هــو خــط ســيــر قــلــمــك صح السان ابو عواد .. وسلمت يمينك على النقل تــحــيــاتــي لــك وتــقــديــري وأجــمــل أمــنــيــاتــي أجــمــل الــتــحــايــا بعيد الهقاوي |
عبدالعزيز عواد بحر وشاعر جزل جمع الماضي والحاضر كماأراه ..
ألف شكر لك أبوعسّاف ولكن لاتعوّده أنك تنزّل قصائده ثم ماعاد نشوفه ..هههه تقبل مروري وشكري |
صح لسان شاعرنا المبدع دائمآ عبدالعزيز وسلمت يمينك على النقل الرائع ياأبوعساف
|
أشكركم على مروركم الرائع .. والله جهدي يابو ريان فيه .. لكن متفائلين خير بعد الأختبارات
|
| الساعة الآن 10:17 PM. |
Powered by vBulletin®
Copyright ©2000 - 2011, Jelsoft Enterprises Ltd.
new notificatio by 9adq_ala7sas
HêĽм √ 3.2 OPS BY: ! ωαнαм ! © 2011-2012