|
اول مشاركه لي في هذا الصرح الشامخ
السلام عليكم ورحمة الله وبركاته
انا اخوكم فايز ال محيسن المعبدي " تصفحت في اروقت هذا الصرح الشامخ بي اعضائه والقائمين عليه مع احد الاصدقا وهو الشاعر فواز السحيمي وفي الحقيقه لقد شدني منتداكم واجبرني على التسجيل فيه لان فيه اقلام مميزه و رااقيه ومبدعين كثّر واحببت ان استفيد منهم خلال مشاركتي في هذا الصرح الشامخ واتمنا ان تتقبلوني اخ بينكم واتمنا ان افيد واستفيد " اخوكم / فايز " هذا النص من قديمي واتمنا ان يروق لكم " اقول فيه سارعي للمجد والبيرق علّيِ يابلادي اوعدك عهد/ن علّي لك ناقف مثل ابن طالب علّي وان قضا نحبي لذكري مجّدي قبل لانرسل على ساعي البريد وقبل لاتحكي حروفي وش نريد ياعسا منكم نفيد ونستفيد وياسلام الله عليكم نبتدّي مانغني من وراى خلف الصفوف خلها ياللي تصفق بالكفوف طرقنا طرق الهلالي ومعروف وانا شاعر سبحتي دوم فيّدي ابرم السبحة على كل التجاه وافهق اعقالي كاإني فالصلاه ثم ادور حرف يبهر من قراه وارتقي بالذايقه فوق الجدي القصيده نبض من وحي الهجوس والجزاله نادره كالعيطموس هي غذى لروح هي شف النفوس والله أن الجزل دايم مقصدي ماعليه اكتب احساسي سريع الله اعطاني قلم حبر/ن بديع حرف شعري سهل لكنه منيع غصن شوكن يحمي الورد الندي لي هجوس/ن ماتبي غير المحال ولي قريحه تقصم اظهور الجمال ولي خيال/ن شامخـ ن مثل الجبال شاعر/ن مشهور ماني مبتدي مثل ابن جدلان سعد الأكلبي ارسم المعنى بشكل/ن لولبي العُلى والعز غاية مطلبي ننصر المضلوم لو حرف ابجدي صرت انا وهواء نفسي في جهاد انتنقل من بلاد ليا بلاد نبحث الجزلات من روس العناد ياعسا في منتداكم نهتدي الشعر ماروث ديوان العرب كان ماللبسه بسوار الذهب وارسم عيونه على ظل الهدب عن بحور الشعر والله احتدي كثرو الشُعار في هذا الزمن كآ غثاء السيل لامنه طمن الادب والفن يشكيهم لمن دام محكوم/ن بسجن مأبدي المجامل فالشعر لامايصير والكذب معروف له حبل/ن قصير ومايقارن زل فارس بالحصير خل نقدك ذوق هادي مهتدي التفوق دوم للحر السبوق ماسرق حرفه ولا طبعه سروق ترجم احساسه بما يحوي الخفوق تشهد حروفه وفعله يشهدي الحداثه فن له باب وجواب فيه الابداع/ن وفيه المستعاب كان بدل صورة احساسه سراب حادر/ن لشّعب ماهو مسندي وال يادرب المشاكل ليش ويش ماابي امشيك لومفروش ريش فارس/ن مابالتفت ياكود جيش التفتله ثم اسل مهندي واللي في دربي بيحفرللحفر يسوى عندي فالشمال اكبر صفر والله اني لدعسه تحت الكفر سولت نفسه وجاني معتدي ودامني حي/ن وباقي لي حيات مايبات القلب وافكاري شتات ببذل المجهود في كل الجهات لين فيك اسعد ومثلي تسعدي هبة الأزيب بذعذاع الجنوب ذكرتني ريم في صدري لعوب جلّ خلاق/ن خلقها بلا عيوب ودها جوف الحنايا مجندي لاذكرت الخل ياحرف معذور لجل خلي أحترق مثل البخور ولجل عينه انحت فصم الصخور اكتب اشواقي واغني وانشدي صابني سهمن من سهوم الهوى غاص فضلوعي وفي قلبي هوى هو صحيح القلب مايوم ارتوى ضامي/ن في ودكم متأكدي الله الله ياندي/ن من غمام راعني ياعبق نفحات الخزام ياصغير السن والله ذا حرام شوفني عايش في ليل/ن سرمدي ياوجودي كل ماعيني تلد في ديار الخل واطلال البلد وجد والد فاقد/ن لغلى ولد الزمن قاسي وحظه مرتدي مابقا من قصرنا ماغير سور حتى ساس الجدر ياصاح محفور مانظن السور يصمد لو شهور رمرمه يانور ياعيني يابعدي مشكله من كبرها ناقف نطيح مشكله مانقدر نقول الصحيح مشكله مجروح من قلب/ن جريح حلها يزحف وهي عنّه تعدي ياعسا فالقلب لازال الحنين ياعسا تذكرني مع مر السنين وياعسا اببقا فصدرك لو دفين راضي/ن بضلوعك اتكون لحدي كان انا روحت وانت اللي نسيت والجفا مقصود وانت له بغيت والله اني مخطي يوم اني لفيت مدّ يدك ردني صوب بلدّي من أذيّن القلب والحبل الوريد ياسلام الله عليكم من جديد فالبدايه حتى فختام القصيد ياديار/ن ماسكن فيها ردي " وسلامتكم : |
حياك الله يافايز وهذا الصرح وجميع ما فيه يشتري من يشتريه 000 وصح لسانك قصيده جزله من رجل جزل
اسعدنا انضمامكم في هذا الصرح وبارك الله فيك وبارك الله في فواز السحيمي اللي عرفنا فيك 00 |
اهلا وسهلا فيك حياك الله بين اخوانك
يشرفنا انضمامك الينا وإن شاء الله نستفيد منك الكثير وتستفيد منا قصيده جزله ورائعه جدا اعجبتني صح لسانك ننتظر قصائدك وجديدك هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا هلا ومرحبا بكم |
هلا فيك اخوي بين اخوانك تسجيلك اسعدنا وانضمامك شرف لنا وياااهلااااا
|
حياك الله الاخ فايز .. مرحبا ومسهلا |
حيّاك الله أخوي فايز بين أخوانك وصح لسانك والله يجمعنا ويّاك على الخير
والشاعر فوازالسحيمي كله خير وبركه بدعوة مثلك وشرواك ويشرفنا ذلك ولمن لايعرف أخينا فواز / هو من أبناء عمومه شاعرنا القدير ربيّع بن عريمان السحيمي |
حياك الله ياابو ماجد
وصح السانك ابداع وجزاله غير مستغربه منك واشكر ابو ريان على كلماته الرائعه تقبلو تحياتي |
حياك الله اخوي الغالي فائز بين ابناء عمك |
اخواني وابنا عمي عسا البقا لكم جميعا
وماهو غريبه منكم هذا الترحيب لنه انتم اهل الكرم والجود وصحت ابداااااانكم ملياررررر وشكراااا |
حياك الله يافايز المحيسن واستلم الرد لاهنت !!
حياك الله وصح السانك يافايز المحيسن
واسعدني تواجدك واهلا وسهلا بك بين ابناء عمك يابلادي واصلي والله معاك ربك الخالق رفع لك مستواك الحلا فارضك ونورك في سماك رددي الله يحفظك رددي مرحبا ترحيب من قلبن صريح فيه ورد وفيه مسك وفيه شيح والحقيقه مايصح الا الصحيح ابرقي يافراح قلبي وارعدي الرساله جاتنا من يمكم والحميا بدمنا وبدمكم والله إنه ماصدق من ذمكم ياولد عمي وغاية مقصدي طبعنا نفرح ليا شفنا الضيوف مانتعذر بالمشاغل والظروف وانت يافايز سنافي ومعروف فالقلوب وفالصدور مخلدي انت شاعر كل قافن تطرقه لك حروفن مثل شمسن مشرقه كل شاعر تنطحه ماتدرقه كل خلق الله بفعلك تشهدي تبرم السبحه على عز وشرف محترف تقطف ثمرها من طرف من صخر تنحت ومن بحر تغرف ناركم وقت اللقا ماتبردي شاعرن وتغوص في كل البحور مستقيم ولا تلف ولاتدور ملتزم بالعقل في كل الامور من تخلص منك يذبح له فدي انت منته ضيف راعي منزله صدق ماتلحق ياراع الاوله لك بيوت مكمله ومجمله نعرفك قول وفعل يالاجودي والشعر ياضيفنا ملك الجميع وانت شعرك يشبه ازهار الربيع والدليله في طريقه مايضيع وانت عن نهج النشاما ماتغدي لك هاجوسن ماتبي غير الجزال ماتحوم الا على شمخ الجبال والجزاله طبع من طبع الرجال ياذرايه فاللزوم ومسندي والله إن حرب العريقه ماتهون كلبوهم للعلالي ينظرون يفعلون ويحتمون وياصلون طفلهم على الجزيله يولدي وانت شاعر جزل مافيها كلام ياسلام وياسلام وياسلام ماعلى شعرك يبن عمي ملام مايجيك اللوم وانت معبدي والقصيده من طرفكم شامله وافيه يبن النشاما كامله قول ناسن ماتعرف مجامله بالوفا والطيب دايم نبتدي ياطويل العمر وش عندك جديد لاتخيل البرق مادامه بعيد احترص والله يدبر مايريد بيني وبينك بساط الاحمدي كان ضايع لك يبن عمي ذهيب الهوى ياصاحبي مافيه عيب لاتحول من شعيب الليا شعيب لد عينك للنجوم وتقتدي لاتردد ياولد عمي وقول لاتخفي شي ياراع الاصول انت تعرفنا على نهج الرسول السحيمي لللاله موحدي وكان طامع فالزهور اليانعه رحت من عندي ونفسك قانعه بيني وبينك سواير مانعه الحنابل دوب تكفي مسجدي وكان تبغا فزعتي تامر امر لجلكم نصبر على الموت الحمر بس دون مواخذه كم العمر؟ لجل مانبخل عليكم بجهدي ودي احقق معك فلي تبي ياذكي تطلع ياقلنالك غبي ولادخلني شك نعم المذهبي بس ماننظر فتلميع البدي السحيمي محتميها ديرته القبايل تشتكي من غيرته وانت اظنك طامعن في جيرته بالقصيد الجزل اشوفك مرتدي كان تبغا من طرفنا مساعده لجلكم كلن يشمر ساعده مانقول ان الخطا متباعده لو تبيها مسك ايادي وطردي عسكرالبارود نارن في علم بالجزاله والعداله والكرم كل واحد فاللوازم والنعم ساطي(ن) رغم الزمان معقدي يشهد التاريخ بلي تفعله ماتحل المشكله بالمشكله الشجيع يحق له ويحق له جمرهم طول الدهر مايبردي فالبدايه والنهايه مرحبا ياوسيع العرف ياحلو النبا من يشاني راعي الطيب يهبا راعي العلم الوفي مايجحدي والختام الله يحيي ضيفنا سيفكم عند اللقا هو سيفنا جيتك كالغيث ربع صيفنا والمحبه كل وقت تجددي!!!! |
| الساعة الآن 01:19 AM. |
Powered by vBulletin®
Copyright ©2000 - 2011, Jelsoft Enterprises Ltd.
new notificatio by 9adq_ala7sas
HêĽм √ 3.2 OPS BY: ! ωαнαм ! © 2011-2012