ملتقى السحمان من حرب - هجرس الخاطر وجيته على طوعه

هجرس الخاطر وجيته على طوعه
وقمت اترجم باخـر اليـل وجدانـه
مثل هالهاجوس مامرنـي نوعـه
عودت لي منه الاحسـاس رويانـه
يشهـد الله ماتطرقـة موضوعـه
ليـن فاجانـي صحيبـي بنكرانـه
قلت اجامل والخوي شانت طبوعـه
واعتبرها نـوع تطفيـش وميانـه
وصحبتآ ماهي على الحق مشروعه
تنكشف مع طولت الوقت وازمانـه
وتعتبر مع طلعت الشمس مقطوعه
ويندم الجاهل على غلطت السانـه
ولاشتم الجاهل اليا قلت اسنوعـه
ولاقرب الخايـن ولاطـق بيبانـه
والخوي وان ظامه الوقت بجموعه
صرتله اقـرب مـن الاخولخوانـه
وحدني وقتي على الجال وفزوعـه
واستعزت وعدت والنفـس قنعانـه
صحبتآ هالوقت ياروعتي الروعـه
تحرج الرجال من فعـل صحبانـه
كونها من طينة الكـذب مصنوعـه
ما راءها عز بالضيـق واعوانـه
والردي غرار لوثـاع لـه ثوعـه
ساعة الشـدات مايحتمـي شانـه
الخسـاره هقوتآفيـه مـزروعـه
ماثمرت من لاهب القيض عطشانه
خاب ضني باجرد الوقت وربوعـه
اثرميقاف السعـه مالـه الخانـه
والثقه من صحبت الوقت منزوعـه
والعليـل المنتظـر صحـة ابدانـه

للشاعر القدير مفلح الرشيدي