|
جابولك الدبله وجابولي الـمـوت
جابولك الدبله وجابولي الـمـوت مـن يوم غيري حطهـا في يميـنك لا فات فوت الشي ماينفـع الصوت مدام يـده تبـتجـي في يـديـنك صحيح لاقالو ترى الشخـص مبخوت يكفيه من باب الشرف شوف عينك يكفيه لا ضمك غـلا وانثنى الـتوت يسكب جنون العشق داخـل كنينك الناس يرضيها قليلٍ من القوت وانا بجوعك عشق واعشق سنينك اهديت لك قلبي وهو وسط تابوت شوفي عروقه ناشفه من حنينك واهديت لك دمعٍ على الخـد منحـوت شوفي مكانه يعتزي في جبيـنـك واهديت لك شعرٍ له شهور مكبوت بين الحنايا كلمته انت وينـك ؟ دون بكراسك اذا قيل لا يفوت احلى قصيدة عشق بيني وبينك دام المشاعر سلكهـا سلك مفلوت بين الحنايا ساتر الشين زينـك وجدي وجود اللي من الناس مبهوت من دون حقه قيل له جاهلينك راحت عليه اموال وامال وبيوت وجته العزاوي ميتٍ والدينك تجمعت في لحظة مابهـا صوت وعيونهم تقول لك كارهينك هذي ترى حالي عقب دبلة الموت تكفا طلبتك مدهـا لي يمينك الشاعر عياد الرشيدي وتحياتي لكم جميع بعيد الهقاوي |
كما انت اخي بعيد الهقاوي متميز في كل شي سلمت اناملك على النقل وصح لسان شاعرها .. تقبل مروري وتحياتي ..
|
الف شكر لك اخوي الواثق على المرور الذي انار متصفحي هذا |
| الساعة الآن 11:57 PM. |
Powered by vBulletin®
Copyright ©2000 - 2011, Jelsoft Enterprises Ltd.
new notificatio by 9adq_ala7sas
HêĽм √ 3.2 OPS BY: ! ωαнαм ! © 2011-2012