|
لا أخذت في خاطري من واحدٍ غالي
لا أخذت في خاطري من واحدٍ غالي ماعاد ابي الناس قاصيها ودانيها ماعاد ابي اللي ينشّدني عن احوالي العزله .. ابرك من الدنيا ومافيها اجلس الحالي وانادم نفسي الحالي مهموم وهمومي الله لايحيها اغيب عن مجتمع خلق الله أشوا لي وادلّه النفس .. لين الله يسويها اضحك وانا الصدر لاداله ولا سالي من ضيقة ٍ ماتجنّب عن حراويها لا اونستها في ضلوعي كنها الصالي الناس ماعاد اناديها بأساميها كنيتها لين شفت الشرّ في حالي عجزت لأهرج بها وازريت لا أخفيها ان جيت ابهرج بها شي ٍ ماينقالي وان جيت ابسكت ل نار ٍ من يصاليها حتى تساوى مذاق المر والحالي حسبي على كلمة ٍ ماني بناسيها ياليتها من عدويني وعذالي والله ل( تلقى) الجواب اللي يداويها لكنها من حشيم ٍ منزله عالي احترت فيها ولا ادري وين اوديها ! مردودها كل مامنّه تهيّالي شيّمت نفسي عن اولها وتاليها تمرني جعل والله مالها والي ماكني اوحيتها من فمّ راعيها واصد من دون لا أشاور ولا أمالي بضاعة ٍ بين بايعها وشاريها ماني ب( ناقص ) غرابيل اول وتالي روحي من الوقت فيها مايكفيها سوالف ٍ كل مامرت على بالي سمحت من خيرة ٍ كنت متحريها ياحرّ كبدي وياهمي وغربالي مصيبه ان كان حاميها حراميها ضايق وضاقت بي فجوج الخلا الخالي والنار ماتحرق إلا رجل واطيها مهما يدور الزمان ويأمن الجالي مايجرح الروح غير طعون غاليها منقوله وتحياتي بعيد الهقاوي |
كما انت اخي بعيد الهقاوي متميز في كل شي سلمت اناملك على النقل وصح لسان شاعرها .. تقبل مروري وتحياتي ..
|
ابشرك يا ابو فهد ابشاره ان الذي يصبر على على (الطعون) وغيرها من بلاوي الحياه من غالي وغير غالي 00 انه عند الله اجره عظيم00 واوصيك واوصي نفسي
خل عينك في عين الله 000 والبشر والله ان تموت وانت مارضيتها 00 ولمن ضاق صدرك 000 مدهل خالك في مناعية دثير انصاه وابشر بسعة الصدر 00ومن بغا الحرم يدله والبقيع كلن يعرفه والنفس الخبيثه حتى لو دفنت فيه تخرج بأذن الله وقدرته منه الى مكان ما يعلمه سوى الله وحده00 وانت بكيفك واذا تركت0 شي اتركه لله 00 لاتقول انا اتركته علشان فلان وفلان 000 نقده جارح ولسانه ساطي ونكد علي عيشتي 00 والله ان تتعب وتموت من اسباب الهم مارضيت خلق الله وبعد موتك 00 ماذكر محاسنك00 وهاذا صنف من البشر -- من بلاوي الحياه اعاننا الله عليهم بالصبر والتحصن منهم باذكار الله عزوجل نحن واياك وجميع المسلمين 00 لكم الشكر على هاذا النقل الطيب 000 ان اصبت فمن الله وان اخظأت فمن نفسي والشيطان والعياذ بالله من نفسي والشيطان00 |
مثل ماقال أبوعواد ياحبيّب بعيد الهقاوي ( الحرم قريّب ) هههه
اما ترك الدنيا ومافيها عشان أخذ بخاطره من واحدن غالي ماهوصحيييح .. القافيه والقصيده جزله لكن نظره صاحبها قريّبه !!! روعتك لاتنقطع ابا فهد لاعدمنااااك |
الف شكر لكم جميع على المرور الرائع الذي انار متصفحي هذا |
سلمت اناملك على النقل وصح لسان شاعرها
|
الله الله يابعيد الهقاوي
تسلم يديك وصح لسان شاعرها لاعدمنااااك |
احمد معوض عبد العزيز المنصور الف شكر لكم جميع على المرور الرائع الذي انار متصفحي هذا |
| الساعة الآن 11:57 PM. |
Powered by vBulletin®
Copyright ©2000 - 2011, Jelsoft Enterprises Ltd.
new notificatio by 9adq_ala7sas
HêĽм √ 3.2 OPS BY: ! ωαнαм ! © 2011-2012