نتائج التغيير
 

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
نتائج التغيـير في مجتمعنا=تسببت في قلب بعض الموازين
تيارها عكس الحقايق دفعنا=ندري ونمشي تقل ماحنا بدارين
وتطوير بعض افكارنا مانفعنا=غير ملامحنا وغير عناوين
ومابين ذيك وذيك تهنا وضعنا=مثل الغراب اللي ورط بين ثنتين
للي تقدمنا وللي رجعنا=أحوالنا بالمختصر بين نارين
وعن نص مشهدنا الحقيقي طلعنا=نجري ورا المجهول مدري على وين؟
ضوح السراب اللي نشوفه خدعنا=قرب بعيدينٍ وبعد قريبين
ونجرح مشاعرنا على غير معنا=ونقول هذا يعتبر كسر روتين
وبأحلامنا ياما شرينا وبعنا=مسكين يامتاجر بالاحلام مسكين
وعلى بساط الريح فوق أرتفعنا=وكان السقوط أسرع من أرماشة العين
الكون واسع لكن عيا يسعنا=تاهت خطاوينا من يسار ويمين
وليت الزمان أبمجرياته صفعنا=يمكن يصحينا بعد نومة أسنين
متى على الله نحصد اللي زرعنا=كلمه مهمه حطها بين قوسين
ولازم نعرف انا بالاخطاء وقعنا=ولاهو بعيب نقول مخطين مخطين
وفي قادم الايام يامجتمعنا=يمكن نعدل وضع بعض الموازين [/poem]

أتمنى من أحد المراقبين الافاضل تنسيق القصيده لعدم تمكني من ذلك .. مع خالص الشكر

مبدع وومتع بحضورك وجزالة حرفك يالوااااااااثق
صح كلك .. لاعدمناك

صح لسانك يالواثق


وبارك الله فيك

بالنسبة للتنسيق

شوف كلمة التغيير هي اللي كانت بين الكلمات الانجليزية

هذا يعني انها تحتاج الى تمديد بسيط

صح لسان شاعرنا
مبدع كعادتك ننتظر جديدك لاعدمناك

أخي عبدالعزيز المنصور أسعدني وشرفني مرورك الكريم ولاخلا ولا عدم يالغالي ،،، ودمت بكل خير

أخي بعيد الهقاوي انار متصفحي مرورك الكريم ولاعدمتك ولاعدمته يالغالي ،،، ودمت بكل خير

أخي عبدالمجيد عيادأسعدني وشرفني مرورك الكريم ولاخلا ولاعدم يالغالي ومشكور على التنسيق لاهنت يابعد راسي