ملتقى السحمان من حرب - شائبٍ شقلباني

الشاعر رجا بن سعدون الفزير العازمي
الذي لقب واطلق على شعره الرجاوي
ولد في 1890م وتوفي في16/8/ 1979م
اشهر شعراء الكويت وثق اسمه بشيخ الشعراء
اجاد شاعرنا جميع بحورالشعر والحانه
وهنا انقل لكم احدى قصائده الرائعة

البارحة واجهت زولٍ شعاني = الغالي اللي مانوى بالقوامه
الصاحب اللي بالمودة طواني = طي الجلامد في عصي المسامه
عوده يشادي ليّن الخيزراني = و ساقه كما دراجةٍ حدر قامه
والردف شط حويرٍ يوم زاني = يرضع ثلاث وقام يزمي سنامه
ريحه زباد وخالطه زعفراني = والنهد يشدي مثل بيض الحمامه
والعنق عنق ادمي جفل بعددياني = شاف المبندق مع خلول الثمامه
والعين عين اللي ترب البياني = ان شافها الصقار يرجي يدامه
شيهانةٍ ما تذبح الا السماني =منها الحباري ماتذوق السلامه
والراس ذيل مكظمة بالعناني = يا تلها الراكب وفيها عزامه
قمت اتغشمر له بطرف اللساني = يضحك بحجانه ويقصر كلامه
جيته وجانا شايبٍ شقلباني = اخلفني الله يخلفه وش علامه
عودٍ ياليته قاعدٍ ما قصاني = عسى تعود كل يوم الندامه
حسبي على هالعود هو وين جاني = جعله يجيه اللي نوى في عدامه
ياليت مقطوع الرجا ما وطاني = مقرود والمقرود ما به فهامه
ماهو بمثل امجربين المعاني = قصده قشر ماهو بقصده غشامه
ما سمع جعله للصقه بالاذاني = ولا شاف جعله ما يشوف الجهامه
قام يتحلا بالجواب وحداني = بلسانه اللي جعل يعطى الطرامه
وصل جوابٍ للهنوف وكواني = هرج يفك ملحمٍ من الحامه
جعله يلحم فيه قبل رمضاني = مكاويٍ من غاربه الي حزامه

تقبلوا تحياتي

بعيد الهقاوي