انفض هموم القلب وابليس ملعون
 

ابيات تكتب من ذهب



لا تشتكي للناس لو كنت مطعون
والذم من بعض الخلايق مديحه

ولا تنحني للهم وتعيش مغبون
ترا المريح اهل العقول الصحيحه

لاصرت صادق قالوا الناس مجنون
ما يمدحون الا النفوس القبيحه

وخلك صمود بوجه الايام موزون
وما حرم الله إثم لا تستبيحه

والكبر لو به فايده فاد فرعون
ومن ذاع سره بشره بالفضيحه

والله لو يعطون لك مال قارون
ماشفت نفسك بالغنى مستريحه

أنفض هموم القلب وابليس ملعون
وان ضاق صدرك أرض ربي فسيحه

أضحك وفل حجاجك أشفيك محزون
دنياك ماتسوى وخذها نصيحه

مادام مالك ميت ولا انت مديون
إرم الهموم وخل نفسك مريحه

لو كانوا اصحابك يظاهون مليون
نق الكفو منهم وخل النطيحه.

أنفض هموم القلب وابليس ملعون
وان ضاق صدرك أرض ربي فسيحه

أضحك وفل حجاجك أشفيك محزون
دنياك ماتسوى وخذها نصيحه

مادام مالك ميت ولا انت مديون
إرم الهموم وخل نفسك مريحه
الله عليك يابوشهد بهالروائع وان شاء الله ان ابليس ملعون دام مثلك وشرواك بيننا

تسلللم يابو شهد دمت ودام هالضحور الاكثر من رائع

صح لساااان شاعرها وصح كلك

انفض هموم القلب وابليس ملعون :: اشهد انها تنفض هموم القلب بمشاهد مثلك وشرواك وشروا من يقراء ,,,, ابو شهد كعادته غاب وجاب السمينه بشرني عساك بخير يسمي وسلملي على فهد

ماعليك زود يابو عواد شروراك الطيب
وابشرك بخير وعافيه
وجعلك سالم من النار وعذابها
وياليت تكلمني على المجال الثاني ,,,,
تحياتي ,,,,,,,,,,,

ههههههههههههههههه وخالقك يابو شهد اني نسيت ليه ماذكرتني ع الواتس اب .. انت خابر البير وغطاها ياخووك وابشر بطلبك قريب قريب قريب جدااا

اتحراك تقولي شطر من قصايد ابو نواف ( وكثر المواعيد عندي لاتطرونها ) هههههه

الله عليك وافي يابو منصور حبيبت اداعبك شوي
ويكفيني هالشطر من قصيده تاج راسي ابو نواف
لاخلا ولا عدم ,,,,,,,,,,