من قصائد والدي ..
 

السلام عليكم ورحمة الله وبركاته
اسعد الله اوقاتكم بكل خير .. من قصائد والدي الشاعر منصور الحربي اتيت بـ .. صلاة الفجر

قصيده قريبه جدا مني ..
وما .. زاد من قربها اني ذهبت لتصويرها لاني اريد الاحتفاظ بنسخه منها عام 2005
من مكتبة احد افراد ربعنا .. حينما قال لي ماشاء الله الوالد تاااب هههههههه

اترككم مع صلاة الفجر ..



[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يوم الحذيفي يرتل في صلاة الفجر=آيات من سورة التوبة ويبكي بها
صوته يزلزلك لو قلبك حديد وصخر=وتحس روحك دفا الإيمان يجري بها
في لحظة تعتبر فيصل ولحظة طهر=فيها الحقيقة تبين وينجلي غيبها
إسجد لربك ولا منه هروب ومفر=مافيه نملة تدب إلا ويدري بها
ترى نهايتك خام أبيض وموت وقبر=ما ينفعك بُهرج الدنيا وأصاحيبها
مقرك الآخرة دنياك ماهي مقر=والنفس ماتدري فـ ..بكرة وش يصيبها ؟
سجدت سجدة وكن الأرض ريحة زهر=الله يا محقر الدنيا وأساليبها
فيها تذكرت موقفنا بيوم الحشر=نارٍ تلظى وتخطفنا كلاليبها
في وقتها بس حسيت بـ .. دموع القهر=ياطيبها ساعة الرحمن يا طيبها
قمت أتراجف وكن الدمع مثل الدُرر=والقشعريرة غشت جسمي مخاليبها
حسيت ثقل الذنوب الي تقص الظهر=كيف اجرفتني ورى الدنيا وألا عيبها
كيف خدعتني ونستني طريق السفر=ضاعت سنيني هدر من غير لا أدري بها
مرت سنيني وعدتني بلمحة بصر=مابين زُخرف حياة وبين أكاذيبها
كنت أحسب إني ذكي وأن الليالي قمر=وإني وأنا مغمض عيوني أبسري بها
أثر الأماني سراب ومن حسبها مطر=بيموت عطشان في رجوى مشاريبها
خلك مع أهل الفلاح أهل الدروب الخضر=وأبعد عن الي نواياهم عوى ذيبها
سفينة الدين ما تغرق وباقي شبر=معمور بالذكر والشبان .. من شيبها[/poem]

تسلم
وعساك سالم من النار وعذابها يابن عواد
منور وباهج الخافق حضورك .

صح كلك يابو احمد ..
وتسلم ويسلم حضورك .. يامنورني وباهج الخافق حضورك ولا عليك زود .. وحبتك بتصل ..
لاعدمتك .. من اصل للديره ..
او بـ .. أول مكالمة صوت او فديو !!!


دمت بكل خير وعافيه شاعرنا :)

شاعرنا الرائع ابو احمد .. تسلم ولا عليك زود
وليتني شي مع طيبك !!
وبما اني عضو مثلي مثلك .. لا ا ستطيع فعل اي شيء !!
لكن تستطيع تنسيقها من خلال الخيارات بتظليل النص ووضع علامة (=) واحده بين الشطر والشطر بدون المسافه
واختيار تنسيق قصيده من خلال الاختيارات الموجوده في اعلى الخيارات الموجوده في اعلى اضافة ماوجد من خيارات ..
او من خلال الانتقال الى الوضع المتطور بعد اضافة الطرح : )

قصيدة رائعه جدا
من شاعر رائع
....

ااخي عبدالعزيز قصيده طيبه من وجه طيب تسلم يمينك على النقل وصح لسان والدك وطول الله في عمره ... تقبل مروري .. ودمت بود