يعنني
 

يوم كنت صغًير يقولون جني	ماخبر واحد على أمي ماأشتكاني
كنت موذي والوذا مخلوق مني	كنت أشقا طفل مولود بزماني
أتشخًص ب(الطقية) ياعنٍني	صرت أغازل وأعرف أسلوب الغواني
كل بنات الحارة كانن يعشقني	ابتسام وهند وأحلام وتهاني
من قبل لا أقول طيري يلحقني	ويحبشنٍي من قبل لاأصل مكاني
كنت بالحارة من الطيش أحسبني	سندباد اللي عرف سر المواني
كنت أوسوس بالشعر من صغر سني	والمس جروحي على شانه وأعاني
لين في مره وأنا ماشي وأغني	رايح بدكان عدنان اليماني
مرٍني خنجر غلا عشق وطعني	جايني من وين ؟مدري بس جاني
وش تبون بقصتي يخرب مطني	ماضحك غيري عليٍ ولابكاني
اسمعوا بوح الحنين الي سكني	وأعذروني لاخذل حرفي لساني
لاتعدون السهام الي رمني	وتسئلوني ويش كثر عوج المحاني
احسبوني طفل محتاج لتبني	عن حسدهم حافظ السبع المثاني
وأزرعوني بالعيون اللي جفني	وأقطفوني من على خضر المعاني
اطعنوا صدر اليقين بسيف ضني	وأشربوني دم لو جرحه نساني
اسمحوا لي بين قوسين التجني	آخذ المجني عليه بذنب جاني
آه منه وآآآه منكم وآآآه مني	من نبش فيكم ورى الصمت وحكاني
إيه أموت بدونه وأحيا كأني	عايش بدوني غياب إنسان ثاني
والله إنه بالوهم يوم يحضني	طيفه يصدق وأنا أذوووووب بحناني
أكذب الصدفه وأصدقها وأهني	وأجرح الساعه لاجل خاطر ثواني
واسألو بنهاية المشوار فني	من وشم جرحي على صدور الأغاني؟
وعلموني ويش يقول الشعر عني ؟	هو أخذ من حسرتي ؟ والا عطاني
بلغوه إني تعبت من التمني	ولالقيت أريح من أحلام الاماني
وصدقوني مو غرور إن قلت إني	ماخلق ربي قصيد إالا عشاني
وسامحوني بس عالمره لأني	طحت من عقلي على قمة جناني

للامانه منقوووووووول من شاعر مجنوووووووون

نعم للتفاعل لا ثم لا للخمووووووووووووووووول

ذائقة رائعه كروووعتك ابو فيصل ... أقولك فالك التووفيق

نعم هو النهر الخالد الشاعر المبهر والمختلف خالد الردادي (عاد من عيال الحاره)
صح لساااااانه مدد بلا عدد
وتسلم يابو فيصل لاعدمناك

ايو الله انه خالد الردادي زميل الدراسه من يومه مجنون شكرا لمروركم لاعدمتكم

دامه زميل الدراسه يابو فيصل ومن جيراننا فتره ماهي قصيره فالحاره
ياليت نشوف ديوانه لانه مظلوم اعلاميا والكثير من المستشعرين سطى على قصائده لظروف غيبته عن العالم الخارجي

نفسي انزله ديوان لكن طبعا ماتقدر تنزل شي الا باذنه وهو الان لانستطيع التواصل معه لاسباب ما

قصيدة رائعه تحس انه تناسب كل شخص اختيار جميل لاعدمناك

اشكر جميع من مرو على متصفحي والذوق ذوقكم الراقي

ودمت بهذا التميز بطرحك لمواضيعك
ودمت بحفظ الرحمن ورعايته
تقبل مروري

الله الله يابوفيصل

صح لسانك ولسان الشاعر


بصراحة قصيدة قمة في الروعة عشت معاه القصة


اشكرك على النقل

شكرا لكل الي مرو كل قصائد الشاعر المجنون مجنونه وسوف انزل كذا قصيده له باذن الله