|
ادخل وجاوب
السلام عليكم ورحمة الله وبركاته
اليوم بنجيبلكم فكره يمكن تكون جديده وهي ان تجاوب على السؤال ببيت شعر ان كان من نضمك او منقول س1 بيت شعري يمثل شخصيتك؟ س2 بيت شعر دائما تردده على لسانك؟ س3 بيت شعر توجه لشخص معين ومن هو ؟ س4 ماذا تقول للام؟ س5 عيب فيك ؟ س6 كم عمرك؟ س7 من يستحق كلمة أحبك؟ س8 من يستحق كلمة اكرهك؟ اكتفي بهذه الاسئله اتمنى تحوز الفكره على رضاكم تقبلو تحياتي |
والله يابوفيصل اول مادخلت استعديت للأجابه لكن لقيت الأسئله واجد وقلت مايمديني هههه
ياليت تخليها سؤال او اثنين أو ثلاثه بالكثير وتكون على مراحل ومواضيع متفرقه كل فتره مميز كما أنت ولي عوده بالتأكيد ان كنت قادرا على ذلك وأملك الأجابه .. |
هلا منور ابو ريان روووووووووووووووووووح فكر وتعال ياقلبي
ننتظر ماحنا مستعجلين ابد يعطيك العافيه على مرورك وننتظر الكل يتفاعل |
موضوع رائع جداً,,
سلمت اخي على هذا الطرح.. ولكن لست بشاعرهـ لذا اجيب بمنقول. س1 بيت شعري يمثل شخصيتك؟ تراني لوقسى الوقت بذات يزداد مع قسوة زماني ثبوتي .... وياللي تغركّ ضحكتي بعض الاوقات يغنيك عن بعض المعاني سكوتي س2 بيت شعر دائما تردده على لسانك؟ خذ القناعة من دنياك وأرضى بها *** لو لم يكن لك إلا راحة البـــدن وانظر لمن ملك الدنيا بأجمعها *** هل سار منها بغير الطيب والكفن س3 بيت شعر توجه لشخص معين ومن هو ؟ خيو الله لايحرمني منه.. ياخوي ياعزوتي ياضحكتي وبكاي يامن على فزعتي يمينه في يمناي من لي سواك اللي على كتافه ارتكي لي خانني الوقت وخان فيني القهر انت العضيد الي اشد فيه الظهر س4 ماذا تقول للام؟ ياليتنـي بينـك وبيـن المضـرة من غزة الشوكة الى سكرة الموت او ليت شاورني القدر بس مـرة ولبى مطالب رغبتي قبل ما أفوت او ليتني لجـرة مواطيـك جـرة احمي قدم رجلك مثل جزمة البوت او ليت بيديني السعـد والمسـرة واحكم عليها عنك مالحظة تفـوت يفداك عمر منك يشعـر بعمـره انتي الحياة لنفسي وردة الصـوت س5 عيب فيك ؟ طيبة قلبي الزايدهـ.. س6 كم عمرك؟ 23 س7 من يستحق كلمة أحبك؟ الصراحه سؤال حيرني .. لكن كل شخص موجود بحياتي واعطاني دون مقابل.. س8 من يستحق كلمة اكرهك؟ الشخص الي يوقف بين وبين طموحي .. ودمتم بكل الخير.. |
يعطيك العافيه اختي سمر والعمر كله ان شاء الله
اشكرك على تواصلك منقطع النظير0 إجاباتك رائعه ولكن المطلوب هو ان تجيبي على كل سؤال ببيت شعر فقط حتى العمر وبيت الشعر اما منة نضمك او منقول 0 يعطيك العافيه مره اخرى |
بصراحه طرح أروع من رائع
ج1. ياطاري الشوق واللي شرف الكعبه انك تدك المحاني دك صهويني ج2. ذخرتهم في وجه وقتي ليا مال ومال الزمان ومابقى الابعضهم ج3. من بعد ماطعنا الفراق وسلينا واصبح هوانا ذكرياتً اليمه صدفه كذا ف الواتس اب التقينا واتجددت كل الجروح القديمه ج4. يمه ترى ماأنسى خيالك قبالي يمه خيالك مسكنه داخل العين ج5. أنا عاد اندفاعي واكبر عيوبي جنون العاطفه متعدياً حده ج6. شفتو كبير السن لاجاء يهذري بأم العيال اللي دفنها من سنين نفس الشعور أحس به بس بدري هذريت به والعمر واحد وثلاثين ج7. هو ليه ( أول حبيب ) تصير له ذكرى وان جيت بعده تحب تصير ماتقدر هو ليه جرحه هو اللي بس مايبرى؟ وجروح غيره تجي وتروح ماتذكر! ج8. ياليتنا نكره مثل باقي الناس ونكسر خواطر من كرهنا ونقسى لكننا من كثر مانملك احساس نجبر خواطر من كرهنا وننسى |
اخوي ماجد إجاباتك رائعه جدا تشكر عليها الموضوع صار احلى
|
1_ بيت شعري يمثل شخصيتي :
اقهر بعزمي ( قسوة الوقت ) مالنت 00 واضحك و (قدر الحزن ) في صدري يفوح ......( من ابياتي ) 2_ بيت اردده دائمآ على لساني : ياليتني لاطحت لاطحت لاطحت 00 ماطيح عند اللي تمنى مطيحي ......( للشاعر : عاقل الزيد ) 3_ بيت اوجهه لشخص ومن هو : إتجيه مشدوده اعصابك ومنحرجه 00 وتروح من عنده اعصابك فثلاااجه0 اوجه هذا الببت لاخي ابو ريان / حسين مرزوق والبيت (للشاعر : لافي الغيداني) 4_اقول للأم : يالله ياغافر ذنوب العبادي= تغفر ذنوب امي وتقبل عملها......(من ابياتي) 5_عيب في: عيبي إن صديت اصد بلا رجوع = وإن رجعت لعشرتك ادهى وامر ........(من ابياتي) 6_ عمري عمري على مااظن سبعه وعشرين= وعشرين فوق اللي ذكرته زياده!!......(من ابياتي) 8_ من يستحق كلمة اكرهك : اكره جميع اللي تكبر على الناس=من خلقتي مااحب راع التكبر......(من ابياتي ) ** ولايفوتني ان اتقدم بخالص الشكر والتقدير لآخي / فهد عليد عنيزان المميز بكل طروحاته التي تعكس لنا طيبة اصله ولاغرابه الطيب من اهله!! |
الف الف الف شكر شاعرنا الكبير صويلح بن مرجي مميز بكل حالاتك يعطيك العافيه ولاعدمناك
لكن كل الاجابات نبيها شعر |
1
شخصيتي حسب المواقف تحدد *** موقف نرخي له وموقف نشده 2 مجبور أراجع كل الاوضاع مجبور *** مادام صار الوصل مثل القطيعه 3 أن جاتني من راعي الطيب زله *** أصد ماكني سمعت الكلامي 4 الام مايعرف مزايا غلاها *** الا يتيمٍ طول عمره فقدها 5 ياكثر مافيني من عيوب وعيوب *** واكبر عيوبي سرعتي في قراري 6 طرقت باب الاربعين الاوائل *** وبالضبط ميلادي ثلاثه وتسعين 7 الحب مايستاهله غير خلي *** اللي قوانين المحبه حفظها 8 اكثر كراهيه لواحد من الناس *** اللي وراي أيلف من شان حاجه ملاحظه ( جميع هذه الابيات لي ) والسموحه عن التقصير |
الله عليك واثق الخطوه يمشي ملك يالواثق
وانت تمشي بكل تبختر وثقه بعالم الشعر فهنئ لنا بك وبروعة طرحك ننتظر المزيد من التفاعل |
اخي فهد عايد عيزان اكملت كل الاجابات بابيات شعر حسب طلبك وتم التعديل شاكر ومقدر لك
|
ايه يا ابو مرجي طلع المكنون انتم يالشعار ماتطلعون الدرر الي عندكم الا اذا احد استفزكم لكن ابشرو من يناحلكم كل يوم هههههههههههه مميز ياصويلح يعطيك العافيه لاعدمت حضورك الرائع
|
شكرا اخي فهد على التوضيح ولي عودهـ مع التعديل ..
|
حياك الله استاذه سمر وننتظر ابداعك وتالقك
|
شاكر مرورك اخوي فهد
وبيض الله وجهك |
أخوي فهد
شاكر جداً مرورك وبيض الله وجهك |
س1 بيت شعري يمثل شخصيتك؟ مانيب من يفرض على الناس روحه ابقى لحالي بس مااهيـــــن روحـي .. // ولانيب من يشكي لغيـره جروحـــه لو كان من دنياي تنزف جروحـي .. // اشرب بحر لو في شرابـه ملوحــــه ولا اشرب قراحٍ من يدين الشحوحي.. س2 بيت شعر دائما تردده على لسانك؟ خلك عزيز النفس والعز مأواك وكلن عطه تفصيل ثوبه بقده خص الرفيق اللي اذا جيت حياك وان غبت عنه يوصلك بالموده س3 بيت شعر توجه لشخص معين ومن هو ؟ لعيال عمي جميع السحمان لونشدت من الجنوب الي الشمال فعلهم مايجهلـه غيـر الظلـوم معربين الساس من عم وخـوال كاسبين الطيب في كـل العلـوم من يجاورهم كريميـن السبـال يحسبنه من كرمهم شيـخ قـوم ومن يصادمهم يصادم له جبـال لنهـم فريـس وعيال(ن)قـروم س4 ماذا تقول للام؟ أمي أمي فرج همي عسى ماعدمها .. عالي مستواها جنة الخلد مدخل بابها من ِقدمهآ .. والله اللي حباها وسط قلبي سكنها وفيه رفرف علمها .. والمحاني حماها أفخر و يرتفع راسي وانا من خدمها.. وارتفع في رجاها غصب عني رجا و خوف و حنان احترمها .. ويغمرني ثناها يسعد الله صباح الخير من نطق فمها .. و يسعد الله مساها هي حياتي بزينتها ولذة طعمها .. ياعساني فداها هي ورق ذكرياتي والحروف و قلمها .. قصدها و منتهاها أركع لطاعة الله محرمٍ في حرمها .. راس مالي رضاها يكفي اني وانا النادر ربيت بقممها .. ماكري في حشاها صرت حر لِـاهازت طويلة هزمها.. وانثني مع نداها هي كنانة سهوم العز وانا سهمها.. وارمي اللي رماها تفتخر بي وانا افخر والفخر من شيمها .. والسعد من عطاها ياعساني طريح الموت قبل اعدمها.. وجعل عمري فداها للشاعر زياد بن حجاب س5 عيب فيك ؟ مافيه احد مابه عيب س6 كم عمرك؟ 30 س7 من يستحق كلمة أحبك؟ الجميع هنا بدون تحديد س8 من يستحق كلمة اكرهك؟ المنافق الغير موجود بيننا |
متفرد بروعة طرحك يابو فيصل لاعدمناك
لي عوده يابعد راسي |
اشكر جميع من مرو اجابه رائعه يا بعيد الهقواي لكن ولازلت اقول الاجابه ببيت واحد لكل الاسله ماهواقوا كم عمرك تقولي 60 لا ابي رد ببيت شعر يعطيكم العافيه جميع
|
س1 بيت شعري يمثل شخصيتك؟
س2 بيت شعر دائما تردده على لسانك؟
س3 بيت شعر توجه لشخص معين ومن هو ؟
الى ابوي الله يحفظه س4 ماذا تقول للام؟
اسال الله العلي العظيم ان يتغمدها بواسع رحمته وان يجمعنا بها بفسيح جناته س5 عيب فيك ؟
س6 كم عمرك؟
س7 من يستحق كلمة أحبك؟
س8 من يستحق كلمة اكرهك؟
والف شكر اخوي فهد على هالابداع |
بيت شعري يمثل شخصيتك
اعزومنا شبت على الطيب واتشيب == واطموحنا ما فيه شياً يروعه بيت شعري دايم تردده على لسانك متى من احقوق الوسوم اتروى == واروي عصوناً داخل القلب يباس بيت شعر توجهه لشخص معين طيب المعاني تاصله في محله == ويلبس القيفان بحلا العقودي ( صويلح بن مرجي السحيمي ) ما ذا تقول عن الام انتي دفى ينبع من الوجد بحساس == وانتي عطا تشهد لدرك شفاتي عيب فيك في رحله الهوجاس يا صاح طيار == ذهاب والعوده مطول سفرها كم عمرك هاك الجواب اللي عليه السؤالي == زيد الثلاثه والثلاثين عامين من يستحق كلمه احبك يمه ورب الكون وان عاش ذا الراس == اني لسوق ارضاك حتى مماتي من يستحق كلمه اكرهك اكره رفيقاً ما يعز الرفاقه == لا من بغيته فالوازم تخفا ابيـــــــــــــــــــــــــــــاتي |
ابدااااااااااااااااع يعطيكم العافيه ايه نبي كذا ولعوها
|
متميز دائما بفكرك وروعة طرحك يابو فيصل
س1 بيت شعري يمثل شخصيتك؟
لـ(منصور الحربي) س2 بيت شعر دائما تردده على لسانك؟
لـ(منصور الحربي) س3 بيت شعر توجه لشخص معين ومن هو ؟
لـ(مناور) لاخي ورفيق دربي (خالد عبيد بن سالم السحيمي) س4 ماذا تقول للام؟
لـ(منصور الحربي) س5 عيب فيك ؟
لـ(منصور الحربي) س6 كم عمرك؟
لـ(عبدالله الدواس) س7 من يستحق كلمة أحبك؟
لـ(مناور) س8 من يستحق كلمة اكرهك؟
لـ(مناور) |
الله يحفظك ياابو فيصل دايم افكارك هادفه مفيده اليوم اطلعت على الفكره واجاباتي على الاسئله ابيات من قصايدي عسى ان يكون لها قبول
1_يازين بعدي عن اهل القال والقيلي=اللي لحوم الاوادم هي هرجتها 2_حاجه ماتجي بطيبة نفس من طيب=لو انها في يدي والله ماابغاها 3_عن افروض ربك لايغطيك لذيذ النوم=ان ضاعت صلاتك يافلاح اكبر امصيبه 4_امي لها ترجح جميع الموازين=يالتيها حيه ازيد ابرضاها 5_من الذي ياناس مابه عذاريب=الا شفيع الناس يوم القيامه مفرط ثقه بالبعض وتخيب وتصيب=وراع الوفا ودي بوجه علامه 6_عمري تجاوز يافهد فوق ستين=ياالله ياربي بحسن الختامي 7_ياحبني للتقي وللوفي والكريم=واللي لربعه كما ضلعن يذري ذراه 8-شلت(ن)فيها الحسد والكبر يهبي شله=من يوالفها هذيك الشله المكروهه |
أشكر الجميع على التفاعل وجميعكم مبدعين
شكر خاص ولايهون الاخوان لشاعرنا الكبير معزي ابو فلاح دائما متواصل ومبدع |
| الساعة الآن 02:47 AM. |
Powered by vBulletin®
Copyright ©2000 - 2011, Jelsoft Enterprises Ltd.
new notificatio by 9adq_ala7sas
HêĽм √ 3.2 OPS BY: ! ωαнαм ! © 2011-2012
