|
محاوره شعريه بين الشاعر معزي فلاح والشاعر عبدالعزيز عواد
السلام عليكم
اسعد الله مساكم اخواني اليوم محاوره بين شاعرين لهم مكانتهم الشعريه ولايهون الاخوان لايشترط وجود الشاعرين في وقت واحد لانه يمكن يتعارض وقت شاعر مع الثاني الشاعر يكتب بيتين ويتنظر رد الشاعر الاخر وبهذا يحصل التشويق افضل من الاخوه الاعضاء عدم الرد حتى يتم لنا مشاهدة المحاوره ولكم جزيل الشكر ومع احترامي للكل سوف يحذف اي رد شدو حيلكم شاعرنا معـــــــــــــــــــ فــــــــــــلاح ـــــــــــــــــــــــــزي وشاعرنا عبدالعزيـــــــــــــــــــ عـــــــــــــــواد ــــــــــــــــــــــــــــــــــــــز اهلا وسهلا بكما |
مادام ورطتنا ياابو عايد حفظك الله
الله يجملنا معكم وامسي بالخير على قبيلي بالطاروق واستأذنه بالبدايه |
|
شكرا لك أبا فيصل على هالموضوع الطيب.. .لكن الله يهديك يبو فيصل انا تخصصي فالقصيد أما فالمحاوره ماني بالحيل.. وطشيتني في بحر ما اقدر أعوم به ... لكن شكواي لله.... |
يا مرحبا وانته هنا راعي مكان.. ولا يهونون النشامى يا النظير... أحدن تيقن ما على الدنيا ضمان.. و أحدن يجره فوقها سلك الحرير... |
|
فيك البقاء وارقى الجبل عن الطمان..
يالله يا ابو عواد فوق الغيم طير.. ماتوا فراعين أربعه لكن كمان.. باقي ترى خامس على آلامه خطير.. |
سجيت رجليه عقب شفت الامان.. وامسيت تال الليل في واد الجرير... الذيب نايم والاسد قدمه عيان.. وابا الحصين يخطط وينذر نذير... |
معناي مايخفى عليـــكم يالذهان..
اللي نبيه يصير بإذن الله يصــير.. لو النوايا صادقه بين الاخـــوان.. فرعون حذفناه في وسط السعير.. |
معناك يشر لي بيده يوم بان.. لكني آخذته وطشيته ف بير... فرعون لو اني على موته معان.. والله لا احوسه في يدي حوس المرير... |
صح السنتكم ياشـــــــــــــــــعارنا الرائعين |
الله تو اللعب يارجـــــــــــال زان ..
خلك على معناك واهرج يابصير.. مابالصدور إن نوافقه قول اللسان.. هذا الذي مطلوب ونحث المسير.. |
لو الصوارم في يدينا غصن بان.. تبشر ليا جات الاوامر يالامير... لكننا بدون على معزى وضان.. ما عندنا الا حط برسيم وشعير... |
الله على وقت البنادق والحصان..
يوم العرب تغزي على خيل وبعير .. الله على وقت المطاعن بالسنان.. نصبر ولا بد الفلك مايستدير.. |
اخي العزيز فهد عايد اسعد الله مساك والجماعه كافه اخي سعدت بالمحاوه مع اخي الشاعر عبدالعزيز عواد وفي الحقيقه اني ا عجبت بمعانيه الجزله والراقيه وياحلو المحاوره لوكانت بقصر ذكرى لحيث ان القوافي سحيميه واصحاب القصر سحمان
اخي ابو فيصل واخي الشاعر عبدالعزيز للمعلوميه الكاتب والمنسق لي مابيني وبين الجهاز فلاح وهو خارج المدينه اما انا لا افهم بالجهاز فاذا كان بالإمكان نقول شاب القاف حتى يعود كاتبنا وفقنا الله واياكم وهدانا الى كل خير |
بيّض الله وجيهكم وصحت ألسنتكم ...
والله ماودنا انها وقفت لكن غلطه ابوفيصل ماعرض الصفوف الا مرّه .. تقبلوا مروري |
عند الاشاره والامر نصغ الآذان.. نبقى عرب واحرار في شرا وخير... يبو فلاح العلم وصل بلا هوان.. جعل العدا في نار ولا زمهرير... تمت |
أبا فيصل جزاك الله خير اللي جمعتني مع ابو فلاح وابشرك انتهينا دور ضحايا غيرنا ههههههه لا هنت |
ماقصرتو شعارنا اتحفتونا بصراحه
|
الله يعطيكم العافيه شعرانا ماقصرتم
ماودنا توقفون ...... بيض الله وجيهكم ونتظر ابو فيصل بمحاوره اخرى من احد شعرانا الكبار |
فكره ممتازه .. ماشاء الله مبدعين ابو فلاح وابو عواد الله يعطيكم العافيه ...
|
يعطيك العافيه ابو عساف على مرورك الرائع هي مجرد فكره والذي يميزه رقي شعارنا
|
| الساعة الآن 11:36 PM. |
Powered by vBulletin®
Copyright ©2000 - 2011, Jelsoft Enterprises Ltd.
new notificatio by 9adq_ala7sas
HêĽм √ 3.2 OPS BY: ! ωαнαм ! © 2011-2012