مخاوي ابليس ....
 

سجل معنا قبل كم يوم عضو بأسم مخاوي ابليس ولاحول ولاقوه الا بالله
فكانت هذه الأبيات لعلها تصل مسامعه وليعلم أننا هنا أخوه لاوجود له بيننا

ياابليس وش عندك لنا غير ياابليس	وانا اللذي حاسبك ياابليس غايب
ياابليس لك عندي بالأبيات تنفيس	لو المحال حسين ( يقلبك تايب )
ياابليس قول الحق دك المتاريس	(شدّ العزوم) ... ودايم الحق صايب
الملتقى ناجح .. وبكل المقاييس	غصب (ن) عليك ولو غدى الراس شايب
حنا مع الله وانت معك المفاليس	واللي تبعك مضيّع الدرب .. خايب
من عهد ابونا آدم بدعت الوساويس	عقب السعد خليت فيها طلايب
وامضيت عمرك بين كذب (ن) وتدليس	بين البشر ولسود الأفكار جايب
واليوم بان الحق ...... وبدون تلبيس	روّح بعيد وخل عنك القرايب
حنا ترى السحمان .. للدين تقديس	بقلوبناوالدم بالدم رايب
اللي يخاوي إبليس وإن جابه إبليس	نقرى عليه آيات ويقوم طايب

وتقبلوا كامل الود حفظنا الله واياكم من ابليس

صح لسانك يا ابو ريان لاعدمناك

الله الله ياأبو ريان صح لسانك أشهد إنك صفقت ابليس بكفوف موجعه

صح لسانك وأعتلا شانك أبو ريان والله يبعد عنا وعنكم أبليس وأتباعه ،،، تقبل مروري ،، ودمت بخير وعافيه

صح السانك يبوريان وذكرتني قصيدتي اللي اقول فيها::
يابليس فارقني عسى الرب يخزيك*** منته بنافعني نهار الحسابي
دور على اللي لازهمته يخاويك*** واترك سبيلي لاتضيع شبابي
اغريت ابونا لين ابونا وثق فيك *** وابريت نفسك ياغضير الشبابي
والله لوتمسك ايديه آذانيك *** لو ينتفون الناس ماتطق بابي!!

صح لسانك يابو ريان


اعوذ بالله من ابليس ومخاويه

الله عليك يابو ريان
اتق شر الحليم اذا غضب .. وهاهو ابو ريان يفجرها
بوجه ابليس .. كفو والله ويستاهل ماجاه وجعله دوم مخاوي لبليس
حنا هنا اسره واحده ولا يمكن نسمح لاي من كان التشويش والاستهزاء
بالملتقى الذي جمعنا على الخير والحب والتواصل
صح كلك يابو ريان
اخوك الصغير ... ابو شهد

اللي يخاوي ابليس وان جابه ابليس
نقرى عليه أيات ويقوم طايب

صح لسانك يا ابو ريان يعزي عنه مخاوي ابليس ماله الا ماقلت يقرى عليه لين يعرف ان الله حق 0 وانه وقع في موقع اهل التكبير والتهليل سويد الوجه 0 الله لايكثر امثاله0
بسم الله والله واكبر عليه وعلى من مثله وشرواه :: الله الله يالمراقبين المنتدى هذا امانه الله يعنيكم عليها 00
والله وانا اقوله صادق اذا ما اصبحنا ( يدا واحده ضد من يحاول زعزعة هذا الصرح00 اداره 0 مراقبين 0 مشرفين 0 اعضاء0 اباء وابناء قبيله تسعى لدرب الخير00
00 مافينا خير 00 وارجو السموحه ( ولكن يكفي السنين الماضيه : قطاعة في صلة الرحم000 تشتت بالراي00 حميه جاهليه )
ودمتم ويعلم الله قدر الجميع عندي

شهد كلك يابوشهد ولاتستهين بالخبيث فقط أكثر من الدعاء عليه ..

أبوعواد الله لايحرمنا منك والله يرزقنا وياك كل مانتمناه من خير ..

أخي الوسام ... مرورك بحد ذاته وسام ... تشرفت به ...

الله لايهينك يابو فهد على تشريفك ومرورك وروعه حضورك الدائمه ..

أخي محمد مشعان مرورك وتشريفك يسعدني أخي الكريم لاخلا ولاعدم ..