نـداء لـكـل شـاعـر
 

السلام عليكم ورحمة الله وبركاته
اسعد الله اوقاتكم بكل خير

لقلة متذوقين الشعر المقروء في ظل وجود اليوتيوب والجوالات ومقاطعها ولكثرة الشعار (الله يزيدهم)
اطرح هذه الفكره على امل ان تلاقي رضاكم واستحسانكم ..
واعتقد اني لاطش الفكره تقريبا من (تويتر) لكنها هنا شعر وللشعر والشاعر ..

الفكره كالتالي .. هي ايصال المعنى بصوره شعريه لاتتجاوز البيتين وتكون وليدة لحظه (بالعربي كيبورديه)
لانريد شي من المتبقي في رفوف الذاكره او المنقول نريد ان نستمتع ونحلق في فضاءات ابداعاتكم ..

وين القصيد اللي يزلزل اركوني

ويتل قلبي من اقصى عروقه

تعبت من كثر السكوت اتركوني

كم شاعرٍ / ياشعر ضاعت حقوقه

/
اخوكم

فكره رائعه يا ابو منصورر يعطيك العافيه وياليت التفاعل اولا بأول

الله يعافيك ويطول بعمرك يابو فيصل ..
التواصل مطلوب من الجميع شعراؤنا يشاركونا ابداعهم والمتذوقين يشاركونا بردودهم ونقدهم التشجيعي .. ولا مافيها اول باول :)

سلام يامناور عسى الله يعافيك	بينك وبين المملكه بر وبحور
الله من صدوف الليالي ينجيك	في ديرة الغربه لك ايام واشهور
دار الكلام وهاجسي دوم يطريك	ياراعي الجزلات وابوك منصور

صح لسانك يا ابو نواف يتساهل عبدالعزيز اكثر وان شاء الله ربي يرده لنا بالسلامه انا اشهد انكم جميعا راعين الجزلات

حي الله الغالي ابو نواف الله يطول لي بعمرك ولايقطعني منك .. وليت الشعر يوصف فرحتي بحضورك اللي تعجز عنه الابيات وشاعرها
وصح كلك على هالثلاث ابيات اللي كل بيت منها يبي يستفرد ظلوعي

يامرحبا والله على العز يبقيك

ياللي بدورك في حياتي لك حضور

راسي شمخ من فعلته بعد طاريك

ابيض وجه تبقى / مجمل ومشكور

تستاهل الطيب يابو فيصل وعسى الله يسلمك من النار وعذابها .. وانا اشهد انك راعي الطيب مبطي وبتبطي

فكره رائعه من شاعر ولد شاعر وسلاله شعار وشهادتي فيكم
اعجز ان ابوح بها من كبر ميزانها عندي ....
صح لسانك ولسان ابو نواف ... لاخلا ولا عدم

يكفينا بهالموضوع ياعبدالعزيز مشاركه أبونواف لاعدمتك انت وياه
ويالغالي ترى ..
الراس حاصل به تصادم ولجات
متبعثر(ن)بين القمر والنجومي !!
هل تقصد مجاراه البيتين بنفس القافيه والمعنى ام اي بيتين يختارها الشاعر ...

الغالي ابو شهد تسلم الله لايقطعني منك وصح كلك على حظورك العاكس جمال روحك

ومرورك يضفي على هالموضوع الكثير والكثير .. لاخلا ولاعدم

و ..
قـلـه يرتـبـهـا كـذا كيف ماجات
دامه على الثنتين ساطي عزومي

اخوي حسين الموضوع مفتوح لجميع اغراض الشعر حسب مايختار الشاعر

بانتظارك وانتظار بقية شعراؤنا

يشوش راسي ليا من قيل يـا مـنـاور
من يوم يـومي الين امـوت بـ افـخـر بـه

هـ الاسـم هذا بـ وسط ظـلـوعي مجـاور
قـلـبٍ لـيـا منْه انكسر غصب يتجـبـر به


/

يسعدني اني اشارك معكم بالهفكره المتميزه من المتميز عبدالعزيز

الدرب واضح والبشر دوم تخطيه
والعلم واضح بس وين الفهيمه

كل(ن) يبروز للبشر دوم طاريه
يظهر جديده ويتنكر قديمه

ارررحب يابو عبدالله تسلم يابعد راسي وصح كلك

تبت يدين الفراق اللي عليّ طالت

طعونها في ضلوعي ياندى قيّلت

لو ان نفسي على غير الهوا مالت

تبطي دموعي على الخدين ماسيّلت

هذي جفوني كراسي للسهر والدموع

عدت سنه ياطلال وحالتي حاله

فيها النفس كنه عن الجوف مقطوع

وان قلت داله صدق / مانيب داله

صح لسانك يابو منصور

ابدعت

تقبل مروري

صحت روحك ياابو عياد
منور وباهج الخافق حضورك : )

بيديك وحدك .. للمفارق خناجر !!

تربعت صدري طعونك يانسرين

ماكنت احسْب الشوق .. يابنت فاجر !!

إلا بعد طعناتك انتي .. بيومين

بانتظار شعراؤنا !!

الروعه في حضورك وحضور الرائعين امثالك ..

صح كلك يابن عواد منور وباهج الخافق حضورك : )

انا من جيل لا منه

تكلم .. كنه يغرد

يحقق حلمه ب منه

بداره عاش متشرد !!

الملتقى ماهو مرورك وروحتك

الملتقى يعني تشارك معانا

هنا بني عمك , وربعك , وعزوتك

وهنا تشاهدنا جميع اصدقانا

حضرت كنّي وعد

من شيخ صلى وصام

وفكيت صمتي بعد

زرّيت كل الكلام

ياغاليه .. طالت قصار المسافات

وصارت جفوني للمدامع مراجيح

الوقت يسرقنا وتقل انه سرى	بين الحنايا للضلوع الحانيه
لاعاد يرحمنا ولايرجع ورى	ولاعاد يفهمنا ويسمع قافيه

أبوريان

الغالي ابو ريان تسلم ويسلم حضورك .. لا خلا منك ولا عدم
وصح لسانك يابعد راسي : )

شاعر واجيكم بالجديد
	وقديم شعري / جديدي !!
ولو كان فعلي بالقصيد
	لا بارك الله في قصيدي

/

لو كان غيري ..
بلش
بالوزن والفكره !!
اكتب ..
وشعري سحابه
صدر السما ..
سطره !!

/

عيني على (اضافة الموضوع)

ب..راسي قصيده لها مُده

فيها جروح .. وكثير دموع

والشعر وده ولا وده

/

القلب محبوس بين ضلوع *** يحاول يروح وأرده
وأحيان لو تبني المشروع *** دمعه من عيونك أتهده

ياهاجسي صوتك المسموع

من الصين له رجه بجده

خابرك وافي وزين طبوع

وبالجزل دايم ولك مده

انا اسير الغياب بكل لحظة حضور

وانا احتفال الجروح بكل حزة فرح

حلمي القى مساحه لو على ارض بور

هذا الزمن شد حيله فْيّ .. حتى نجح !!

ياذا الحنين .. ؟
اشعلني البارح .. انين !!
وين اروح ؟؟ ووين اجي ؟؟
مادام لي قلبٍ .. حزين


/

ياقلبي اللي ضايق (ن) في حناياي

وياعيني اللي حايره وسط ماها

لو كل واحد بايسوي سواياي

يبطي وحاله باتبين رداها

يارب وعبادك ضعوف وهلاكا

واصدق مطالبهم عفو منك يارب

الكٌل من خوفك عيونه تباكى

وانا احترمت النوم والزاد والشٌرب

الله الله يابو ساره صح فكرك ودام بوحك والله يسعد اوقاتاك بكل خير

لاعدمتك ..

تشملني الغربه بكل النواحي

ان كنت نايم صدق وان كنت صاحي

ابعدت عن ضعف العقول ومرضها

واليوم شقيت السحاب بجناحي

/