ملتقى السحمان من حرب

ملتقى السحمان من حرب (www.alsuhman.net/vb/index.php)

- ركن الشعر العام (www.alsuhman.net/vb/forumdisplay.php?f=32)

- - نصيحه (www.alsuhman.net/vb/showthread.php?t=3100)

نصيحه و النصيحة تنشري في ماضي الأزمان

انا جربت بالدنيا تجاريباً لها برهان
	أخذت دوره في صكاتها ماكثر بلاويها
مجربها ولي خبره وعارف مالها سيسان
	تقالبنا على كل الجهات وعفت تاليها
و أنا مأ قول إني حضنت كل العرف للعربان
	تجاريبي تكفيني ونون العين يقديها
ولاذم البشر والذم للرجل ترى بهتان
	اعرف إن البلاوي بعض خلق الله بلش فيها
نصيحه و النصيحة تنشري في ماضي الأزمان
	وقت اليوم ما تشرى وصار الرجل يهديها
ترى الدنيا لها دوره و ضربه مثل ضرب الزان
	الى دارت رحاها يابن آدم مأنت قاويها
ألا ياجاهل فيها بها زود وبه نقصان
	تزين أيام وبعد أيام تظهر لك خوافيها
ألا يا هولتي من ناس تجهل مدة الاحسان
	ترى الأحسان ما بين القرابة عز يحميها
عضودك هي عضودك لو تجزع ياالجمل شقران
	ومنهو من يحاول في نظر عينه ويعميها
ألا ياقشر من دنيا وألا ياقشر من وجدان
	صار الأخو يبيع أخوه دنيا تبتلش فيها
أمور تبلش العاقل وصار الجاهل الخسران
	و لا يحسب لها بحساب وأسلافه مخليها
بها طير الحديه ياكل الصيده مع العقبان
	و تخلط نمرها مع ذيبها وكثرت حصانيها

عضودك هي عضودك لو تجزع يالجمل شقران*****ومنهو من يحاول في نضر عينه ويعميها

صح السانك يابو طاهر قصيده جزله من شاعر جزل

اسعد الله مساك ابوطاهر وصح السانك على هذه القصيده الجزله والنصيحه لا شك لها صدى وقبول عند كل عاقل دمت بخير وعافيه

الشاعر عبد اللطيف عوض السحيمي صح بدنك وشرفنا اطلاعك الله يحفظك

الشاعر معزي فلاح يشرفني اطلاعك يابو فلاح الله يحفظك

عافاك الله يابوطاهر وصح لسانك على القصيد المفيد ولاهو غريب عليك

تقبل مرور اخيك

حياك يابو ريان واطلاعك شرف لي الله يحفظك

صح لسانك ابوطاهر على هالقصيدة الجزلة وقصايدك وهي عادتك فيها الثمين من الحكم والمعاني

صح بدنك يابو شهد واطلاعك يشرفنا الله يحفظك

صح لسانك يا ابو طاهر قصيده جزله رائعه
ننتظر جديدك ولادعدمنا حضورك