ملتقى السحمان من حرب

ملتقى السحمان من حرب (www.alsuhman.net/vb/index.php)
-   ركن الشعر العام (www.alsuhman.net/vb/forumdisplay.php?f=32)
-   -   مشاركتي بالصاله الرياضيه المغلقه بـ(عيد الوطن) (www.alsuhman.net/vb/showthread.php?t=1174)

عبدالعزيز المنصور 07-04-2012 03:18 AM

مشاركتي بالصاله الرياضيه المغلقه بـ(عيد الوطن)
 
السلام عليكم ورحمة الله وبركاته

اسعد الله اوقاتكم بكل خير


دُعيت للمشاركه في فعاليات عيد الوطن 1432 بالمدينه المنوره بالصاله الرياضيه المغلقه بالاستاد الرياضي
من قبل الاعلامي الراقي قدرا وخلقا والمذيع في الردايو السعودي الاستاذ خالد اليحيوي
واطرح مشاركتي المتواضعه علها تحوز رضاكم واستحسانكم ..
وادام الله وطننا بكل خير وامن وامان والله ويطول لنا بعمر ابو متعب واخوانه ويرحم سلطان سلطان الخير


( وطـــــــــن )

ياوطن يامهبط الوحي تحيا ياوطن
في قلوب (ن) دمها مانشف بعروقها
محتوينا من حدودك الين أم المدن
مكة اللي ما مدينة تعلا فوقها
وطيبه اللي طيبها طيب وإحساس وشجن
طيبه اللي بالحنايا تزايد شوقها
للرياض اللي بها المجد بالمصمك سكن
ديرة (ن) من مجدها المجد كحل موقها
للشمال اللي تساما تساما ماطمن
والمكارم في حضوره تبارك سوقها
للجنوب اللي له الروح خفاق وجفن
فاتن (ن) كم غازل الغيم خضر عروقها
للخبر وأخواتها البيض ربات الحسن
من يديهن تنسج الشمس شال شروقها
والله إنا لاكتبناك غناك الزمن
والليالي رددت لك جميل طروقها
حافظينك حفظنا للفروض وللسنن
سيرتك حلم القصايد وقمة ذوقها
من هو اللي مانهل منك ؟ من هو بس من ؟
أشهد انك نخلة (ن) ماتشح عذوقها
سيرتك بذل وعطايا ولافيها منن
هدتك هدة حرار (ن) تتل سبوقها
الملك علا حضارتك واهنا ياوطن
بالحكيم اللي المواقف يحسب فروقها
ذاك هو صقر العروبة بلحظات المحن
لا اصهلت خيل المنايا وزاد عقوقها
أبو متعب عز الإسلام عن ضعف ووهن
لابدت سود الليالي تبين فتوقها
جعل عمري من فداياه حماي الظعن
كاسر اللي نفسه الزوم زاد فسوقها
دام أبو متعب ملكنا تقلع يالحزن
كل أمه سايده بالطموح نفوقها
الاصايل تعرفك زين وظهور الهجن
أنت ياموت الأعادي وسم حلوقها
الوطن عندك ياأبو الطيب ماهو ضحك سن
الوطن نبض الشرايين في صندوقها
وأنت ياسلطان سلطان المكارم لك يجن
غيمة يدينك على الكل وبل حقوقها
ياوزير (ن) تحمي الدار برجال وسفن
ياكريم (ن) جاتك قلوب من معلوقها
نشِهد الله خالق الخلق وأشهد يازمن
الأمانة بالشرايين كيف نبوقها
الوفاء من مولد الطفل فينا إلى لبس الكفن
والبلاد بكل لحظة تزيد حقوقها
والعذر ياسيد الفعل والشاعر شجن
شاقته وضح القصايد وعقل نوقها



http://www.9dmd.net/up9//uploads/ima...ee785c2428.jpg

بعدسة الرائع الاستاذ بندر الترجمي

خالد عايد عنيزان السحيمي 07-04-2012 03:39 AM

الله عليك يابو منصور رائعه من روائعك
شاعر مايختلف عليك اثنين اقولها وانا كلي ذهول بشخصك وشعرك
صح لسانك لاعدمناك

احمد معوض بن عواض 07-04-2012 05:36 AM

صح لسانك لاعدمناك

....................

محمد عواد دخيل 07-04-2012 09:15 AM

قصيده رائعه
صح لسانك اخوي عبدالعزيز
اتمنى لك التوفيق

الواثق 07-04-2012 12:36 PM

صح لسانك وبيض الله وجهك على هالقصيده الرائعه يابو منصور وهذا ليس بمستغرب على شاعر ولد شاعر ،،، تقبل مروري وتحياتي والى الامام ،،، ودمت بخير وعافيه

حسين مرزوق بن راشد 07-04-2012 02:38 PM

أسجل أعجابي لشخصك ولشعرك ولك كلك ابومنصور
حفظك الكريم

صويلح مرجي السحيمي 07-04-2012 03:26 PM

صح السانك ياشاعرنا القدير عبدالغزيز منصور انت شاعر جزل ولاغرابه وارث الشعر وانت تشكل خطر على الساحه الشعريه والعليميه امثالي راحو فيها الله يعطيك العافيه ودام ابداعك يالمبدع

بعيد الهقاوي 07-04-2012 03:46 PM



لله درك مااجمل ابجديات حروفك هنا
اهنيك على القاموس اللغوي لديك
واسجل اعجابي بما سطرت اناملك
طرحت من ابجدياتك المميزه
فسلم لنا ذوقك الرفيع يالغلا ودمت
ودام تألقك وتميز ك دمت بكل سعادة

مناور منور بن عوض 08-04-2012 02:16 PM

الله الله عليك ماشاءالله تبارك الله دائمآ مبدع

وانا احد المعجبين بشعرك الجزل

عبدالعزيز المنصور 08-04-2012 03:10 PM

اقتباس:

المشاركة الأصلية كتبت بواسطة خالد عايد عنيزان السحيمي (المشاركة 7420)
الله عليك يابو منصور رائعه من روائعك
شاعر مايختلف عليك اثنين اقولها وانا كلي ذهول بشخصك وشعرك
صح لسانك لاعدمناك

ابو شهد يابعد راسي صح كلك لاعدمتك ..
حضورك وشهادتك يعنون لاخوك الصغير الكثير والكثير يامنوّر


الساعة الآن 06:57 AM.

Powered by vBulletin® Copyright ©2000 - 2011, Jelsoft Enterprises Ltd.
new notificatio by 9adq_ala7sas
HêĽм √ 3.2 OPS BY: ! ωαнαм ! © 2011-2012

Security team