ياشاعره بـ الحياه :
مانيب شاعر بها ..!

جيتك بجرحي وآه ,,
وطعون اسافر بها ..!

لو في يديك النجاه :
ماكنت اغامر بها ..!

هد الضلوع بـ جفاك
وهات الطعون وتعال

يلعن ابوك الهلاك
عاث بـ صدور الرجال

البارحه يالهبوب اللي على الصين هبت
طيرت معك الهموم اللي اسكنت صدري

وحاكيت فيها الطعون اللي بجوفي تربت
ياليتكِ يوم هبيتي على الصين بدري

عدنا والعود احمد يا عبدالعزيز زمان عن ابداعك

ياللي تفج الصدر بـ البعد ياسخفك
ان كانك تظن با تقوى على احباطي

كثرت علي الظنون يارب بس لطفك
من قبل اساوي بـ عاليهم مع الواطي

انا مناور ولد منصور
ايه اسمع العلم يـ الخواف

الوقت مايرحم المعسور
خابرك خابر يابو نواف

لكن لنا فـ الحياه جسور
وفعول وقت اللقا تنشاف

حي الله الغالي يابو فيصل الابداع بحضورك وحضور الانقياء امثالك

ياغصن طارت عصافيرك
بدري عليك العقاب يحط

مواكره صدق في غيرك
بينك وبينه صعيب الربط

اللي يحبك بس لاصار رايق
يمكن مع الأيام والوقت ينساك

واللي يحبك والهوى فيه شايق
يلزمك لو ناسك مع الوقت تجفاك

الحب لأهل الحب والشوق لايق
والحب فعل وصادقه حيل يحماك

واللي يحب أوقات وأوقات بايق
مثل السراب اللي للأوهام خلاك

أبوريـــــــان