تسلم يابعد راسي اعجابك واعجاب اللي مثلك دافع لتكثيف الحضور وانتقاء المشاركات بدقه

وماشاء الله هذا وانت مانت بشاعر .. لكني اطالبك بتكثيف الحضور بملتقى الشعر

كنت انا ومنصور سويلم السحيمي وفهد مدله السحيمي في حفر الباطن وهذا الكلام قديم جداً وتم نقلنا للمنطقة الشرقيه وكمت هو معروف فرق بين حفر الباطن والمنطقة الشرقيه من ناحية الاجواء وذهبنا للبحر مع العلم اننا لانجيد السباحه وكان معنا عزبه كامله من عشاء ومعاميل وغيرها المهم سبحنا سباحه مشي حالك يعني قريب من الشاطي الرملي متعطشين للبحر ههههههه وماحنا متعودين غير على الصحراء والغبار في الحفر عندما سبحنا وتعبنا تمددنا بجانب البحر في ليلة مقمره رائعه فقال منصور سوو الدله ياعيال بلهجته الجميله فقال فهد تعبان وقلت انا تعبان فقلت بيتين في ذلك الوقت كنت صغير السن 21 عاماَ يعني لاتدققووون

قلت :-
قم يامنصور زين الدله
ولاتكثر الماء والهيل موزون
ولازانت الدله بالفنجال سله
ندرد العماس والشيطان ملعون
ولاتنسى تمر ابو مدله
تراه للكيف ناقد ومفتون
بالحفر كانت الجلسه ممله
واللحين يازين جلسات هاف مون

وقام منصور وقال والله مايسوى الدله غيري انا وسهرنا سهره ممتعه جداً

وقفه...........

من لابنا للمرجله بيت وابواب عسى الدواير فوق راسه تدوري
ومدامني لطيب باني وكساب تريحو يانافخين الصدوري

فيه بيتين رائعه جدا لشاعرنا الكبير معزي فلاح لكني لم اجدها

الله الله يابو عبدالله وشاعرنا بديع القاف لاعدمناكم وصحت ارواحكم

تمددي بين الحنايا لحالك

وتوسدي جرحٍ من العام معطوب

من سبته شاعرك ضايع وهالك

الا معك غنى على كف رعبوب

/

وانا اقول الاوادم وين غاطسين
بصراحه ابداع يامناور ابداع وجمعت المبدعين كلهم وخليتهم يطلعون ما بجعبتهم

اخي عبدالعزيز منصور مساك الله بالخير اخي انا كنت خارج المدينه عدة ايام وعندما رجعت فتحت الجهاز وجدت موضوعك نداء لكل شاعر ومريت مرور سريع على الصفحات ولا انتبهت انك قفلت الموضوع بااخر صفحه.وانا قد كتبت البيتين بااخر صفحه وعندما انتبهت ان موضوع المشاركه قفل رايت انه لاداعي لكتابت البيتين والان اطلعت على سوالك عن البيتين والله يارفيقي مااعطيتك الا الكلام الصحيح وكل ماارجوه ان لايكون في خاطرك شي ياابو منصور وهذه البيتين

عبدالعزيز افكار حياالله افكار=ترقى بها في نايفات المشاريف
بالصين صف ادلالك ولع النار=وقهو النشاما ياابن عمي من الكيف

كثر المواصل بالهوى يضبطه زين
	واللي عشقك وعاش لك لاتحده
وان كان يخطي بعض الأحيان فاهلين
	تمتم على راسه وللحب رده

أبوريان