|
أخي أحمد الشكر لك اولآ ولجميع أفراد القبيله وأبو فيصل يستاهل كل خير
|
يستأهل ابو فيصل هذا الشكر و التقدير
و هذا قليل في حقه و مشكور اخوي احمد على هذا الموضوع |
ايش رايكم في يوم الاربعاء القادم الموافق 1433/6/18هــ
انشاء الله يكون الموعد زين با النسبه لك يا ابوريان وللاخوه جميعاً بخليكم يومين واذا ما جاء رد تراي اعتبر الموعد تام ولا اسمح بعدها لاي واحدمنكم سوء كان ايداري اومشرف او عضو ان يتاخراويعتذر الموقع واضح طريق الرياض القديم بعد الصويدره بخمسه كيلوا تجي على يدك اليمين محطه الشرق الاوسط سابقاً من نفس المحطه تكون فيه ردميه با تجاه الجنوب امسك الردميه ماهوبيدك قصدي امش معها با السياره على يدك اليمين تجي استراحه العجيمي بعد ما تعدها بحوالى اثنين كيلوا على يمينك تجي الاستراحه، الوصف واضح ولا اوصيكم ماهوكل اشوي يدق على واحد ضايع الى متعدي الشقره ولامقبل على الحناكيه ويتصل على ويقول انت وين،،،،،، |
يستاهل ابو فيصل كل خير بصراحه ماهي غريبه عليه والشكر موصول لكم على تفاعلكم في خدمه القبيله |
يامراحب ابو سلطان ولاهي غريبه عليك
دائما سباق للطيب . الله يجمعكم على العز لكن انا تكفى انك تعذرني لظروفي والله العظيم انه شرف لي دعوتك والسمره معكم بس الظروف تحدى وان شاء الله بعد جمعه ابو سلطان الجمعه عندي كلا بسمه ارجو تقبل عذري ابو سلطان والجميع ... تحياتي لكم . |
ابو سلطان ماهي غريبه عليك راعي الطيب وراعي الوفاء لاعدمتك
لكن أغلب الاعضاء عندهم اختبارات ومشغولين ياليت تأجل الموعد بعد الاختبارات عشان يكون الحضور مميز |
حبيبنا ياسر راع الطيب والعلم الغانم ...
تواصلنا وأنت كذلك مع بعض الأعضاء وكما تعلم بالأختبارات أولا ولما أشار به البعض أنهم لايريدون أن تكون هناك تجمعات خاصه ونحن مازلنا ننتظر المزيد من أهلنا وأحبتنا فأرى تأجيلها لوقت لاحق يكون أفضل من الآن ... أما أنا يامحاكيك سأتواصل معك وأتشرف بزيارتك قريبا جدا ان شاء الله .. |
تم التاجيل الى وقت لاحق سوف اعلن عنه
ايه الاخوه الاعزاء جميعاً اسعد الله اوقاتكم بكل خير بناء على الاتصالات التي وردتني كثيراً من بعض الاعضاء حول تا جيل الزياره لي فسوف امتثل لرغبتهم وهذا حرصاً مني على ان تكون الجمعه للعموم حيث يكون اكثر الاخوه متواجدين وسوف اعلن ذلك انشاء الله في وقت قريب .. الموقع سبق وان وضحته في وقت لاحق فاطلب منكم اي شخص تجيه فرصه انه يمر ويسير فاني اتشرف في ذلك وهذا الشي هويفرحني انا واخواني جميعاً ماحطينا ها الاستراحه الا للنشاما الى مثلكم وشرواكم واخيراً تقبلوا شكري وتقديري لكم,,,,,,,,, |
عساك على العز والمعزه يا ابو عواض 000 وماهي غريبه عليك عزومتك عزومة محبه ياولد عواض 000 وانا ارسلت لك رساله ولم ترد عليها 000
يمكن علشان اخوك بعيد ديار 00 ماله شغل في اهل المدينه 000 لكم الشكر يا ابو عواض 00 ولكن لاتشد على رافقتك ترا مراعاتهم وعدم الشده عليهم اهم من العزومه التي تشق عليهم 000 وترا جميع من في هذا الصرح لهم حق على بعضهم والا فرق بينهم جميعا 00 ولو رسالتي لك قريتها وعرفت مضمونها 00 ونفذتها يا ابوعواض يغير سكرت باب فتحه بشكل فردي مكلف على اكثر من ثلاثة ارباع رافقتك ولك خالص تحياتي وتقديري |
السلام عليكم ورحمه الله وبركاته
اخي وحبيبي ابو سلطان تشرفنا بزيارتك لنا وانت عزمت واستعزمنا لك وراح نكون عندك انا واخواني وابناء عمي بعد انتهاء الاختبارات والله العظيم انه شرف لنا ,,, وانا ضد اخي ابو عواد في هذه المساله ,, لان مجرد ان الرجال عزم ويبي الجمعه والوناسه اصبحت مشقه ,, بالعكس هذه بادره من ابو سلطان لم يسبقه احد عليها من دون قصور باخواني الاعضاء جميعا وهو وضعها عامه ولم يخص احد بها ,, وبكون انها فرديه فهذه ترجع للشخص نفسه ولا لنا الحق ان نعترض على دعوه اي اخ لنا يريد جمعتنا ولاهي من سلومنا ,, وبالنسبه للجماعيه فسوف يكون لها ترتيبات خاصه بالمستقبل القريب ,, انا فاهم قصدك ابو عواد تماما بس ارجو انك توضحه لاخواننا اتمنى ان تستقبلها بكل صدر رحب من اخوك المحب اما انا واخواني وابناء عمي ,, بعد تلبيه دعوه ابو سلطان فندعوكم جميعا كلا باسمه حياكم الله بستراحه عمي عواد عنيزان الواقعه بالمضبر ( الدعوه عامه ) ودمتم بحفظ الله ورعايته |
| الساعة الآن 02:20 AM. |
Powered by vBulletin®
Copyright ©2000 - 2011, Jelsoft Enterprises Ltd.
new notificatio by 9adq_ala7sas
HêĽм √ 3.2 OPS BY: ! ωαнαм ! © 2011-2012