| خالد عايد عنيزان السحيمي |
21-04-2012 02:15 AM |
اقتباس:
المشاركة الأصلية كتبت بواسطة الواثق
(المشاركة 8965)
| ماعاد فيه الا تصيد للاغلاط |
كل(ن)على الغلطات يشعب ذلوله |
| حنا وصلنا مستوى حد الإفراط |
والصمت عن هالوضع يعني قبوله |
| وأصبح حديث المجتمع كله إحباط |
ماكنه الأ دولةٍ وسط دوله |
| وينك يابن خلدون وينك ياسقراط؟ |
أنهار كل المجتمع بالسهوله |
| أحلامكم بالفاضله راحت هياط |
ماعشتها الا في زمان الطفوله |
| وفي مجمل الاوضاع ساد التخباط |
تساقط الاوضاع جوله وجوله |
| وياللاسف صرنا جماعات وأنماط |
كلٍ يحدد بالمصالح ميوله |
| وأصبح زمان المصلحه والتعباط |
ماهو زمان المقدره والرجوله |
| وافواه بعض الناس تحتاج خياط |
أيخيطها عن بعض هرجٍ تقوله |
| اهروجهم ماتنتهي تقل مطاط |
ويحرفون اللي حصل عن وصوله |
| ونفس الحدث موجود في كل الاوساط |
كن العقول بهالزمان مغسوله |
| ومايختلف مارس عن آذار واشباط |
تشابه التقويم لخبط فصوله |
| والطيبه صارت تلقط بملقاط |
ويمكن بعد تدفع عليها عموله |
| مدري متى الانسان يصحى ويحتاط |
للواقع اللي جالس يدور حوله |
| هذا مجرد راي وحروف ونقاط |
وأقصركلامي عن رجال الحموله |
| شاعر ويستخدم مجاله على إسقاط |
بعض أدوات الفلسفه فسمحوله |
|
حاولت اختار بيت يلامس ذائقتي واحساسي وعجزت
لان كل بيت احسن من اللي قبله فخترتها كلها
صح لسانك يالواثق ومن اشد المتابعين لمى يخط قلمك وفكرك
والشعر موهبه
ولكنك استخدمتها بحرفنه وفن
لاعدمناك |
